Burgeroom (Fashion Walk)

Open Now

Now Closed

銅鑼灣Fashion Walk有條美食街，今日去左Burgeroom，主打一系列漢堡，包括牛肉類、雞類、鴨類、魚類、海鮮類，仲提供素食類選擇，絕對能滿足不同客人既口味。牛油果醬蕃茄沙律：原個去皮鮮蕃茄，配搭沙律菜和牛油果醬，非常開胃。鱈魚手指配他他醬：炸得乾身，入口脆卜卜，沒有雪藏味，配上他他醬，倍添滋味。牛肉漢堡：上枱時餐廳已經好貼心咁將漢堡切開一半，方便客人進食；漢堡牛肉厚度十足，肉味濃郁，l非常juicy，夾住新鮮既蕃茄和生菜，美味就係咁簡單。全日早餐：擺盤精緻，配料有脆薯餅、蛋味香濃既炒蛋、滑溜大啡菇、烘得軟熟既芝麻包、脆皮腸、煙肉片和新鮮沙律菜，十分豐富。總結，餐廳位置方便，設有室內和室外座位，最啱放工同朋友嚟食野吹水。