燒魂

Open Now

Now Closed

朋友聚會。見到餐廳除咗有自助燒肉外，仲有熱食、刺身同日式冷盤，最緊要係食物同嘢飲都係任飲任食。放題嘅食物選擇多；燒肉、刺身、燒物、一品料理、炸物、壽司、天婦羅、炒雜菜、牛油粟米、蠔仔泡飯，應有盡有。首先叫咗一份刺身，雖然可供選擇嘅刺身款式唔算多，但新鮮，而且份量十足。三文魚腩肥美，赤海蝦大隻，口感彈牙，食落去又鮮又甜。另外泰式生蝦都好出色，蝦肉結實，配埋泰式海鮮醬真係正！燒牛肉都唔錯，牛舌薄切食落有口感，黑毛和牛肉，入口香濃。豬肉都係好嘅選擇，燒豬頸肉，肉質爽嫩，入面juicy。Suprise嘅係每款肉都有唔同嘅味道選擇，例如柚子味、燒汁味或其它味等等。最後真係要試下啫啫通菜煲！通菜爽脆，保持到啫啫煲嘅風味。