樂家蒸籠料理 (Closed)

上次第一次食,食左最平的雞肉蒸籠料理,覺得佢地d雞肉"鞋"口d,但鍾意佢多多菜.呢日帶埋大頭嚟食多次.但就改叫羊肉蒸籠料理.羊肉蒸籠料理:58大元,有呢個四方寶盒載滿成吋厚的菜和菇,上面鋪上薄薄的羊肉.伴有兩個汁,辣汁和薑汁,汁的味道淡,鍾意食得淡的人會啱d.加多12元有個白飯和面豉湯,飯真係唔好味,無黏性無米香,面豉湯大頭話飲落咸左d.呢兩樣佢地都要改進.因見佢地店舖咩時段都幾拍烏蠅吓.如果食物好好味,就算貴d,大家都會覺得值得.但亦都請佢地保持多菜少肉,咁先食得健康.如果送件飯後果或甜品或跟番飲品,我諗會吸引番d食客,當然係唔駛我地加錢喇.蕃茄海鮮扁烏冬:58大元:海鮮都幾好,魷魚好爽口.扁身烏冬都可以,其實類似的面條,係"大家食"重新鮮重好味.平靚正個隻呢.而個蕃茄湯底一般,一粒蕃茄仔都搵唔到有點失望.其實佢地識做的話,叫開食物,送d甜頭俾人.食得開心又會返來嘛.或者可半價加飲品(波子汽水或者其他嘢),做開左個頭,吸引多d食客,咁咪生意好d囉.呢間嘢好靜,我諗佢租約期滿都應該留唔低.希望佢會改革喇.未試過何謂蒸籠料理或者鍾意多多菜的朋友都可以嚟一試的.清淡之選.