大榮華酒樓

Open Now

Now Closed

四人一枱，點左8樣點心。平日13：00左右食，樓面已經八九成滿座，要等位，等左10分鐘入座。首先來到係叉燒酥同鹹水角。叉燒酥幾好，酥皮層分明。鹹水角皮好厚，餡好少，唔掂。沙薑雞腳有6、7隻，頗受好評，食得津津入味。蝦餃4隻厚肉，蝦算幾大粒，金錢肚清清地唔會太鹹。水晶紫薯包幾特別，比較少見，味道都唔錯，包既紫薯蓉好豐富，唔會過甜。然後係豉椒鳳爪同牛肉球，不過不失，普通水準。茶係叫左兩壺，香片同鐵觀音，香片越飲越好飲。八樣點心，共$299。四人除開，每人$75。食物質素還可以，姐姐們有禮、服務唔錯，枱同枱之間相距有一定空間，唔會靠得好埋。