Video
Read full review
2017-05-19
14225 views
記得兒時XO仔同屋企人成日都會去老字號「鏞記酒家」度食飯，反而長大後因深覺餐店已變為遊客食肆，馳名燒鵝質素亦有下滑跡象，近十年去過o既次數真係五隻手指已經數得哂。今次多得公司貴客宴席，細佬方才有幸一試裝修後回復水準o既香港名牌酒家！唔知係咪實在太過沉迷睇射雕呢，望住店名中個「鏞」字居然都諗起作者「金庸」。。。晚宴設於四樓「蘭亭閣」貴賓廂房內，估唔到多年冇黎環境變得如此光鮮雅緻，闊落舒適。主人家早已寫下菜單，並安排人齊即起餸，房內有專人服務，經理叔叔亦不時出入跟進，十分妥善周到。鵝髻魚雲羮（$1,000）：靚靚媽咪教落，鵝同鴨最明顯o既分別就係前者有個髻，但係細佬真係估唔到原來個鵝髻入面係有野食o既！此道必先預訂o既鵝髻魚雲羮加咗陳皮同豆腐等食材煲製，魚味濃郁，質感滑溜易入口，好有特色。玉龍披金紗（$66/隻）：所謂「玉龍」亦即鮮蝦，以咸蛋黃炸出就等同披上「金紗」，淨係聽個名都覺得氣勢強勁！炸蝦皮層乾巧鬆脆，蝦隻爽厚彈牙，不需多點醬油已夠美味可口。原味清湯牛爽腩（$275）：清湯牛爽腩猶如餸名般清爽潤澤，就連配角o既靚菜都鮮脆過人，唔怪得知通常午市未完都已經賣哂，有心黎試記緊要預留。禮雲
唔知係咪實在太過沉迷睇射雕呢，望住店名中個「鏞」字居然都諗起作者「金庸」。。。
晚宴設於四樓「蘭亭閣」貴賓廂房內，估唔到多年冇黎環境變得如此光鮮雅緻，闊落舒適。主人家早已寫下菜單，並安排人齊即起餸，房內有專人服務，經理叔叔亦不時出入跟進，十分妥善周到。
鵝髻魚雲羮（$1,000）：靚靚媽咪教落，鵝同鴨最明顯o既分別就係前者有個髻，但係細佬真係估唔到原來個鵝髻入面係有野食o既！此道必先預訂o既鵝髻魚雲羮加咗陳皮同豆腐等食材煲製，魚味濃郁，質感滑溜易入口，好有特色。
鵝髻魚雲羮
$1000
307 views
3 likes
0 comments
玉龍披金紗
$594
208 views
2 likes
1 comments
原味清湯牛爽腩
$275
161 views
2 likes
0 comments
原味清湯牛爽腩
$275
128 views
2 likes
0 comments
禮雲子粉果
$528
110 views
3 likes
0 comments
至尊一品鵝煲（$1,250）：據悉，此道一品鵝除咗用上原隻靚鵝製出，煲內更有齊鵝隻不同部位及內臟，近期係餐店紅爆o既名菜，要品嚐當然係要預訂啦！
至尊一品鵝煲
$1250
208 views
2 likes
0 comments
至尊一品鵝煲
$1250
149 views
1 likes
0 comments
至尊一品鵝煲
$1250
137 views
4 likes
0 comments
一品鵝湯米
141 views
2 likes
0 comments
香港名食府「鏞記酒家」以燒鵝揚名海外，亦曾獲得米芝蓮一星榮譽，可惜深受遊客愛戴後水準卻有所下降，肥肥家族都已經好耐冇幫襯。幸虧公司貴客安排特別飯局，讓小弟見識到必先預訂o既幾款功夫菜，其中最震撼必選一試難忘o既「至尊一品鵝煲」，莫非師傅最近學懂咗「九陰真經」，將之前失去o既武功都恢復過來？！
Post
