風花雪月 (Closed)

日本好友來港公幹 住在灣仔啟·酒店 我當然要盡地主之誼帶朋友食好野。但在我未諗到食咩之際 佢已經話要帶我食好野。唔係掛 我先係地頭 佢識帶我食咩好野呀😂原來佢話早兩日已經試左酒店餐廳～風花雪月的鐵扒燒 覺得好正 今日要同我試三樓的刺身壽司。我心諗 咪玩啦 佢自己在家鄉日日食 黎到香港仲食？佢話因為要比較下 香港的質素喎。咁我唯有捨命陪君子吧！餐廳走簡約路線 予人感覺很柔和很舒適 而且侍應都好貼心亦充滿笑容 坦白說 一餐飯有好的侍應 是會更滿足的。主廚是日本人 刺身八成空運自日本 令人好期待正宗的刺身壽司呢。刺身拼盤*油甘魚 肉身油分充足 入口甘香 淡淡的甜味 刺身真是一流。甘香在味蕾中久久不散。左口魚 肉質細白 鮮嫩清甜 爽口。拖羅 真是冇得彈。呈粉紅色 不厚不薄 入口即溶 肉質柔潤又軟滑 魚味濃郁 肥美而且沒有渣。牡丹蝦 鮮甜 口感軟綿得來帶點彈性爽脆。帶子 肥美肉厚且鮮甜。不得不提 山葵係新鮮磨成的 辣得來帶香味。配刺身壽司真是一流。火炙壽司盛十件*牡丹蝦 海鰻 鰻魚 油甘魚 三文魚 金目鯛 赤鯥 帶子 海膽 拖羅。賣相每件都好精緻 而且全部都是好新鮮的刺身。火炙的控制亦做得好好。