吃扒

Open Now

Now Closed

Budget有限但又想去鋸扒嘅不妨去呢間位於旺角豉油街嘅懷舊西餐廳。裝潢以復古風為主調，燈光昏暗，紫色外牆，十分吸睛。食物方面主打多款鐵板料理，適合約另一半嚟拍拖。打卡之選有20cm吉列豬扒，上枱時真係嚇親，豬扒超級無敵厚切，外皮炸至金黃酥脆，內裡肉質唔乾，帶淡淡香氣。旁邊附上粗身薯條、西蘭花同兩粒小番茄，點埋茄汁同芥末醬食啱啱好。特選肉眼扒配薯菜有9oz，店員建議要五成熟，見個樣好紅咁但係食落又OK，牛味突出，嫩滑可口，私心鍾意蒜蓉汁，偏濃味且配牛好夾。套食包括餐包、湯、甜品同飲品。湯有中有西，甜品可加錢轉改為心太軟雪糕，有流心效果！唔夠飽嘅亦可以再加主食，有白飯同意粉，麵條軟硬度適中，沾滿醬汁唔覺唔覺就食晒。