壹食就醉 (Under Renovation)

今日去尖沙咀行街，行到咁上下肚餓了，就睇下有咩食啦。發現附近有間叫壹食就醉的餐廳，好似唔錯喎，有火鍋或者私房菜食，就同朋友上去醫肚擦返餐。 店員姐姐好熱情招呼，又介紹菜式比我哋。我哋點了黃金蝦，魚腩煲同馬拉盞油麥菜。黃金蝦好香脆，面頭布滿超多鹹蛋黃，非常甘香惹味，連手指都啜埋。 魚腩煲新鮮熱辣上枱，發出吱吱聲，魚腩甘香有油脂，十分美味。 馬拉盞油麥菜夠鑊氣，好香濃馬拉盞味道，油麥菜爽脆，好吃。餐廳還做緊優惠，凡like and share，就可以獲贈飲品。我們獲贈了一大支竹蔗茅根，好清甜 ，一邊吃餸一邊飲，啱曬。呢度環境好舒適，食得開心，下次可以同屋企人再嚟食晚飯。