Video
Read full review
2024-05-03
215 views
係openrice見到呢間餐廳特登過啟德試下，點知搞到一肚氣。事源夜晚6點半去到餐廳拎飛，當時機器顯示叫到43號飛，而我拎44號，即係下一張就會到我。但係呢個時候有客人過黎，應該係過左號碼，所以下一張枱要補返比佢，咁我都明白。然後門口的知客小姐就問仲有冇其他要補飛的客人，當時佢都話如果未叫號的就不用同佢講，如是者就繼續叫號碼。但係點知佢下一張飛竟然叫46號，仲一枝箭就帶左兩位客人入去！重點係當時機器仍然顯示叫到43𠮟，即係44及45號飛仲未叫到！我地就即刻同知客小姐講：我：我係44號飛仲未叫，點解會比46號飛入去先？知客：佢地補飛架！（仲未意識到問題）我：但係你都未叫44同45號飛，點會比46號飛入架？知客：（終於意識到）唉呀，冇睇到我：你頭先明明話未叫到就唔需要同你講補飛，佢都未叫到同你講，你睇都唔睇就排後補，又睇都唔睇就比佢入先。知客：咁都冇辦法，人地都坐底左。然後佢就冇理我，我嬲得濟就走左去樓下另一間食片皮鴨。其實我都明白忙中有錯係好正常，而且客人已經坐底左係冇可能叫人地起返身，但最起碼都應該講返句：「唔好意思，下張枱即刻比返你」，而唔係一句冇辦法就算。而且即使要補枱都唔應該比哂
事源夜晚6點半去到餐廳拎飛，當時機器顯示叫到43號飛，而我拎44號，即係下一張就會到我。但係呢個時候有客人過黎，應該係過左號碼，所以下一張枱要補返比佢，咁我都明白。
然後門口的知客小姐就問仲有冇其他要補飛的客人，當時佢都話如果未叫號的就不用同佢講，如是者就繼續叫號碼。
但係點知佢下一張飛竟然叫46號，仲一枝箭就帶左兩位客人入去！重點係當時機器仍然顯示叫到43𠮟，即係44及45號飛仲未叫到！我地就即刻同知客小姐講：
我：我係44號飛仲未叫，點解會比46號飛入去先？
知客：佢地補飛架！（仲未意識到問題）
我：但係你都未叫44同45號飛，點會比46號飛入架？
知客：（終於意識到）唉呀，冇睇到
我：你頭先明明話未叫到就唔需要同你講補飛，佢都未叫到同你講，你睇都唔睇就排後補，又睇都唔睇就比佢入先。
知客：咁都冇辦法，人地都坐底左。
然後佢就冇理我，我嬲得濟就走左去樓下另一間食片皮鴨。
其實我都明白忙中有錯係好正常，而且客人已經坐底左係冇可能叫人地起返身，但最起碼都應該講返句：「唔好意思，下張枱即刻比返你」，而唔係一句冇辦法就算。而且即使要補枱都唔應該比哂補枱客人入哂先比正常排隊等位的客人，如果唔係個個拎完飛就去行街，跟住肚餓返黎就即刻補張枱比佢地入先，咁對真係企喺度等位的客人都十分唔公平，你起碼都隔一張先入都冇咁嬲。
睇返食評先發覺好多人對等位入座安排有意見，希望真係可以改善下。
Post