Video
Read full review
2019-02-17
315 views
平時你地派利是會派到年初七定年十五？我地就會派到年十五，新年假期太短，唯有星期六、日繼續開年飯 + 團拜活動，平時一大班人，大家都一定揀中菜，但今年我地又想特別啲，所以決定揀泰菜，於是揀咗九龍城黃珍珍，因為佢有3層，而且環境好好！前菜嚟個開開胃胃嘅【金柚大蝦沙律】好多隻大蝦，好正！柚子沙律好開胃，為即將落嚟嘅菜打開個大胃口。大人就食沙律前菜，小朋友當然飲個靚湯做前菜啦！【蟹肉南瓜湯】真係好正，望落好似冇咩料？入面有好多蟹肉，真係好足料！之後嚟個【小食拼盤】有蝦餅、魚餅、蟹餅，配埋酸辣醬食，真係好正！泰菜必食！【什錦沙嗲串燒】豬、牛、雞各4，樣樣都試下，大人可以配埋沙嗲醬一齊食，小朋友就咁食都好滋味。主菜【香辣海中霸伴青芒果絲】望落好似好辣，但你就錯啦！其實唔係好辣，反而係酸酸地，少少辣味。而魚就係泰國直送紅寶石魚，真係會食唔停口，連我對仔女都食唔停口，必食！有魚點可以冇雞？【南乳燒雞】名字望落好似冇咩特別？等我話你知，燒雞好香脆，雞肉食落去又唔會好「鞋」口，真係小朋友至愛。正所謂一份肉三份菜，雖然今餐未必做到，但食菜是必需的，由於我地多小朋友，一於將馬拉盞通菜改做【鮑汁螺片炒通菜】，小
金柚大蝦沙律
26 views
0 likes
0 comments
前菜嚟個開開胃胃嘅【金柚大蝦沙律】好多隻大蝦，好正！柚子沙律好開胃，為即將落嚟嘅菜打開個大胃口。
蟹肉南瓜湯
23 views
0 likes
0 comments
大人就食沙律前菜，小朋友當然飲個靚湯做前菜啦！【蟹肉南瓜湯】真係好正，望落好似冇咩料？入面有好多蟹肉，真係好足料！
小食拼盤
39 views
0 likes
0 comments
之後嚟個【小食拼盤】有蝦餅、魚餅、蟹餅，配埋酸辣醬食，真係好正！泰菜必食！
什錦沙嗲串燒
28 views
0 likes
0 comments
【什錦沙嗲串燒】豬、牛、雞各4，樣樣都試下，大人可以配埋沙嗲醬一齊食，小朋友就咁食都好滋味。
香辣海中霸伴青芒果絲
51 views
0 likes
0 comments
主菜【香辣海中霸伴青芒果絲】望落好似好辣，但你就錯啦！其實唔係好辣，反而係酸酸地，少少辣味。而魚就係泰國直送紅寶石魚，真係會食唔停口，連我對仔女都食唔停口，必食！
南乳燒雞
27 views
0 likes
0 comments
有魚點可以冇雞？【南乳燒雞】名字望落好似冇咩特別？等我話你知，燒雞好香脆，雞肉食落去又唔會好「鞋」口，真係小朋友至愛。
鮑汁螺片炒通菜
43 views
0 likes
0 comments
正所謂一份肉三份菜，雖然今餐未必做到，但食菜是必需的，由於我地多小朋友，一於將馬拉盞通菜改做【鮑汁螺片炒通菜】，小朋友都食得。
原個菠蘿炒飯
51 views
0 likes
0 comments
呢味一定唔少得，由細到大我去食泰菜都必定會叫【原個菠蘿炒飯】，好多菠蘿，我仔好女笑，覺得啲肉鬆質感唔好，叫我整走佢！但我就覺得配埋肉鬆、腰果，真係好正！必食必食！
M6 級咖喱炒蟹配法包
49 views
0 likes
0 comments
跟住到佢【M6級咖喱炒蟹配法包】你會問，點解食泰菜要食蟹？我地食嘅除咗係蟹，蟹嘅配料都好重要，就係醬料，呢個咖喱配埋M6級蟹，味道一流！記住揀法包，用嚟「點」咖喱汁食，好食到停唔到！但咖喱真係堅辣㗎！
椰青水
24 views
0 likes
0 comments
飲品，我地大部分人都揀咗【椰青水】，正到呢，又夠冰凍，又多椰青肉，我仔女覺得好好味，飲唔停！我就揀咗【椰汁冰】，我本身好鐘意椰汁，所以椰汁冰啱哂我！
甜品拼盤
37 views
0 likes
0 comments
泰式甜品又點少得？叫個【甜品拼盤】，咩都有啲，大菜糕、芒果糯米糍、西米糕就有唔同味道選擇。
椰汁芒果糯米飯
43 views
0 likes
0 comments
另一必食甜品【椰汁芒果糯米飯】，配黑、白糯米，芒果好甜好好味。
總結：泰菜其實都好啱小朋友食，大人可以食辣其實都有好多選擇，我最喜歡佢地有辣同唔辣嘅菜式選擇，好滿足嘅一餐開隻飯。
Post
