古今二 (荃新天地)

Open Now

Now Closed

好耐都冇食日本嘢，難得今日朋友生日，特登約咗佢去荃新天地嗰度食日本嘢，呢個朋友特別鍾意食魚生同壽司卷，佢都話今日揀嘅呢間餐廳好高質，而且好抵食。我自己就鍾意呢度坐得舒服，可以傾偈敘舊，服務員亦都好有禮貌！講明係慶祝生日，所以今日都食得好啲，叫咗好多唔同嘅刺身同埋壽司卷。我覺得最好食嘅就係今·刺身盛，魚生種類超多，而且好新鮮，三文魚全部都係勁厚切，超級肥美，海膽亦都好新鮮，好creamy。牡丹蝦亦都每一隻都好爽口，好大隻。另外平鯛係我第一次食嘅刺身，油脂含量偏低，屬於我鍾意食嘅魚生口感，唔會太油膩。至於壽司卷方面，就叫咗忘不了您、紅粉佳人同煙花。全部都好飽滿澤晒，用料絕對冇馬虎。都要多謝佢哋特登幫我哋做埋生日字眼嘅裝飾！朋友食得好開心。