Poppy

Open Now

Now Closed

十月新開到而家已經半年有多，但似乎網上未有討論poppy嘅風向。簡潔黑色嘅裝修，有酒枱位，又有二人四人座位。坐吧位睇住大廚一手包辦所有出菜，完全0油煙味。餐牌款式唔多，感覺每樣都精心設計過，值得一試！*Mushroom croquette $25/pc新鮮炸到外殼脆卜卜，內餡係黑松露忌廉，軟滑夠香濃，推薦一人一粒。Beef tartare $86最底係脆皮千層薯仔酥，牛油味好香但略油。牛肉他他混合鯷魚醬、海苔碎，肉味香濃，有少筋位，鯷魚醬獨特風味大大提升咗牛肉嘅鮮味。Pluma $228先將黑毛豬肩脊肉外層煎熟，再浸入58度熱水慢煮，肉味香濃，肉質嫩滑但又保留到肉嘅咬口。碟上有三種醬汁：自製西班牙青醬、法式肉汁和枝竹醬，點汁食都唔錯，但驚喜唔大。Kiwi & strawberry $76士多啤梨、奇異果粒+蜂蜜脆餅+柚子雪葩，即席倒入西瓜冷湯+琴酒。雪葩微酸，脆糖好甜，冷湯更甜，所以整體太甜，而且份量略少。