部屋咖啡室

以前間唔中就會去樓上Cafe同朋友吹下水玩下board game～ 呢間Cafe開咗好多年，之前都幫襯過，前兩日再去試下～睇Menu見到有二人餐$358，有pizza、意粉/飯、小食同兩杯飲品，幾抵食！所以就直接叫咗個二人餐，再升級飲品。🦀炸蟹餅一份有6件，幾香口，不過好似稍為炸得過火咗啲。🍝香辣虎蝦海鮮意粉賣相幾好，大大隻虎蝦，仲有青口、魷魚🦑 意粉唔會過腍，香辣番茄汁幾惹味😋 份量都算多！🍕西西里PIZZA10吋手拉pizza，切咗6件，餅底厚薄適中，幾香幾煙韌，又夠脆，唔會腍晒咁。辣肉腸夠惹味，芝士都夠多，整體都幾好食！🫖八寶美顏花茶 +$30唔想飲凍嘢，所以加錢叫咗壺花茶飲～ 好大壺，好香菊花、紅棗味，好順喉好舒服😌🍫黑森林Mocha +$22另外加錢要咗呢杯特飲，有朱古力雪糕同威化條～ 我無飲到，👦🏻話都唔錯，雪糕好食！本身對食物質素無抱好高期望，始終樓上cafe可以整到嘅食物有限，但估唔到食物味道有水準喎，甚至好過一啲打卡cafe😂 想hea下玩下board game，呢度係一個唔錯嘅選擇！