新陶園海鮮酒家

Open Now

Now Closed

呢個星期食咗兩次，一次星期四，一次星期日。星期四嗰次真係煮得好，剛剛熟係最好味，而且有股香氣，係舊時酒家大厨嘅風味，好正，完全冇辜負到D海鲜。椒鹽瀨尿蝦 又香又鲜， 熱辣辣香噴噴 同炒嘅碎料又惹味。青島鮑魚 大大隻 好味，唔似大連鲍咁淋 有D似南非鮑。蒜蓉粉絲蒸大蟶子蒸得剛剛好，滿口蟶子鲜甜，又易咬。白灼花螺，可以食到花螺原味，點甜醬食已經好好味。鹽焗奄仔蟹，焗得乾身熱辣辣。 不過我個人鍾意食肉蟹或者膏蟹多啲。但個海鲜濃魚湯就真係唔得， 一D都唔濃，又淨係得幾粒菜飄下飄下🤪是次外來海鲜$1120, 加工費$400。星期日再食，煮得都Ok嘅，但同上次有距離，都好嘅，但唔係好好嗰種。呢次要一提嘅係炸生蠔，買咗一條裝嘅流浮山生蠔，淡而冇味，係完全冇蠔味，唔知係蠔嘅問題定出水過龍嘅問題。呢次買咗大蟶子，花螺， 重皮蟹，大扇貝，生蠔，海蝦。海鮮來料$960，加工费$560。