Video
Read full review
2019-04-25
3155 views
呢間扒房一直喺我嘅必試餐廳嘅list入面，趁住週年紀念日就同老公去咗食。話就話係Grand Hyatt Steakhouse,但其實入口並唔係喺酒店入面，而係喺酒店正門嘅側面有個𨋢口，搭𨋢或者行樓梯上去先會到達間餐廳。餐廳幫我地安排嘅位置雖然係窗口位，但其實係冇咩靚景睇嘅。因為窗外嘅風景係酒店lobby同酒店食自助餐嘅位置，鍾意食無敵風景嘅朋友真係唔需要特登安排坐窗口位。第一道菜係扒房送嘅蒜蓉包，香味撲鼻而且外脆內軟又熱辣辣，真係非常好食。最值得讚嘅係蒜蓉牛油係搽滿整個包，仲要係一塊面包嘅兩面都搽滿，真係好有誠意。如果唔係要留肚食其他嘢，真係好想叫侍應再添啲包。前菜我地叫咗個蟹餅，每一啖都係滿滿嘅蟹肉，而且表面脆脆地，加埋個醬真係好食。我係一個好鍾意食蟹但又好懶剝殻嘅人，如果你同我一樣，就一定要試下個蟹餅。主菜就當然係牛扒，我就叫咗rib eye，熟嘅程度係medium rare。上菜嘅時候侍應會問你要唔要芥末，亦有好幾款芥末可以選擇，我自己就揀咗松露芥末。可能我地期望過高，牛扒相比前菜同蒜蓉包真係有點失色。牛肉肉汁唔算多，口感亦偏鞋，食落真係有啲失望，終究我係冇食哂塊牛扒，反而配菜嘅
話就話係Grand Hyatt Steakhouse,但其實入口並唔係喺酒店入面，而係喺酒店正門嘅側面有個𨋢口，搭𨋢或者行樓梯上去先會到達間餐廳。
餐廳幫我地安排嘅位置雖然係窗口位，但其實係冇咩靚景睇嘅。因為窗外嘅風景係酒店lobby同酒店食自助餐嘅位置，鍾意食無敵風景嘅朋友真係唔需要特登安排坐窗口位。
第一道菜係扒房送嘅蒜蓉包，香味撲鼻而且外脆內軟又熱辣辣，真係非常好食。最值得讚嘅係蒜蓉牛油係搽滿整個包，仲要係一塊面包嘅兩面都搽滿，真係好有誠意。如果唔係要留肚食其他嘢，真係好想叫侍應再添啲包。
蒜蓉包
65 views
0 likes
0 comments
前菜我地叫咗個蟹餅，每一啖都係滿滿嘅蟹肉，而且表面脆脆地，加埋個醬真係好食。我係一個好鍾意食蟹但又好懶剝殻嘅人，如果你同我一樣，就一定要試下個蟹餅。
蟹餅
49 views
0 likes
0 comments
主菜就當然係牛扒，我就叫咗rib eye，熟嘅程度係medium rare。上菜嘅時候侍應會問你要唔要芥末，亦有好幾款芥末可以選擇，我自己就揀咗松露芥末。
Rib eye
86 views
1 likes
0 comments
可能我地期望過高，牛扒相比前菜同蒜蓉包真係有點失色。牛肉肉汁唔算多，口感亦偏鞋，食落真係有啲失望，終究我係冇食哂塊牛扒，反而配菜嘅蘆筍同松露薯條就食哂。
不得不提嘅係配菜中嘅蘆筍係完全無渣，熟嘅程度係啱啱好，味道鮮甜。
而松露薯條你睇相就知唔係用松露油敷衍你，薯條上面嗰堆係真黑松露嚟架！！
松露薯條
54 views
0 likes
0 comments
最後甜品叫咗一客蘋果金寶，一上菜無諗過咁大碟！對兩個食到有啲飽嘅人嚟講真係會食唔哂。但食咗一啖之後，我真係好想要傳說中的第二個胃，因為真係好好味呀！連埋佢隔離嘅軟雪糕一齊食真係一絕。
Apple Crumble
108 views
0 likes
0 comments
軟雪糕奶味雖然唔重，就咁食冇乜驚喜但係因為蘋果金寶上面嘅脆脆牛油香味好濃，口感酥脆，如果雪糕好重奶味溝埋食落口會好膩。 而家咁樣反而啱啱好。
我覺得呢間扒房嘅食物環境服務都係好嘅，我自己亦會想再嚟食，但下次去應該就唔會食牛扒(笑)。
Post
