正潮樓 (富通大廈)

Open Now

Now Closed

今次試咗間隱世潮州菜館，專登叫咗幾款傳統嘢試真啲。 ——————🐽 老菜脯豬肚湯湯底重重胡椒香，一入口就知係陳年老菜脯嘅功勞，甘香唔澀喉。豬肚炆得淋得嚟保留少少咬口，最驚喜係完全冇臊味，落足心機處理。 🐽 青蒜炒鹹肉鹹肉切得透薄，半肥瘦比例啱啱好，醃得夠鹹香但唔死鹹。青蒜炒到斷生，爽脆得嚟帶少少甜味，食完碟底唔見油浸🐽 冬菜蒸九肚魚魚肉滑到夾起嚟要就住力。冬菜碎鋪面吊出鮮味，底下既粉絲吸曬d魚準，蒸嘅時間掌握得準，魚骨都軟到食得，老人家都啱食。🐽 芋頭炒香飯芋頭粒外層微微焦香，咬落粉糯得嚟唔散。飯粒分明唔黐埋，睇得出用隔夜飯炒嘅功架。淡黃色嘅飯身應該落咗少少鹹蛋黃吊味，香口得嚟唔油膩。