稻神食堂

Open Now

Now Closed

又約老友出黎食飯，話想試下d新野又唔想出咁遠，上網搵到呢間開係天水圍濕地公園新屋苑入面，睇過d食物相幾靚同價錢都唔係貴，一於走入去試下啦。店面唔算話好大，大約幾張枱，晚飯時間都唔多人坐唔爆，應該係主力做返呢個屋苑d住客既生意，好少人真係會特登走黎食，始終唔係中心點。講返食物先，今日求其叫左個酸菜魚水晶粉，牛腩牛孖筋菜飯，小食拼盤，酸菜魚老友話ok，牛腩用坑腩，夠腍夠入味，牛筋都好腍，菜飯正常但上枱d飯暖的，奇怪，d餸又好熱，小食拼盤有炸酥肉，雞豬沙嗲串同炸雞翼，全部香口野，唔會炸得太油，幾好。服務睇落唔錯，格黎枱有個人係度同個侍應問長問短又大大聲，d侍應都係好有禮貌咁對答，唔會黑口黑面。下次可以再試埋下其他食物。