House FiftyEight

Open Now

Now Closed

餐廳位於觀塘工廈，環境寬闊而且設有飛鏢足球機等娛樂設施，食完飯都可以同班friend玩吓。而且仲設有露台望到城市景。餐廳仲比較清靜。鍾意靜靜地上嚟坐低傾吓偈嘅朋友都幾推薦上嚟。今次叫咗個二人餐:個人好鍾意呢一度個餐包，非常之脆。由外面脆到入面。而且點埋蘑菇湯食味道超級正。前菜有香料吞拿魚配牛油果及紅蔥醬，份量比較輕盈，但味道豐富。吞拿魚溝埋醬料食非常夾。推介點多啲醬食。主菜有味噌煮和牛面頰肉，非常推薦呢一個牛面。肉質嫩之餘，味道非常出色。味噌味特出。黑松露飯配海膽三文魚籽蟹肉，海膽味突出。食完呢一個都夠晒飽。甜品賣相一流，食落味道都唔差。