Video
Read full review
2022-09-16
3551 views
今日同朋友去旺角行街睇戲，行到染布房街一帶，見到幾間好吸引嘅甜品舖，但係未食晚飯食甜品又似乎有d過份，就決定喺附近搵嘢食，行到好景商場附近，諗起無耐之前，喺附近食過一間好有鑊氣嘅中菜館，行吓、撞吓，終於搵返間餐廳，無咩大招牌燈，又無咩指示，唔係之前嚟過都未必見到佢，高手都係鍾意隱性埋名嘅😁餐牌第一頁就見到花膠麻辣雞煲，超吸引呢，呢個一定要食；再揀吓，朋友鍾意食鹽水鵝，我鍾意脆口嘢，揀左七味炸豆腐。🥘麻辣雞煲半隻 ($268)連小氣爐上枱，如果唔係要留肚食甜品，真係好想叫碟肥牛😅。雞煲勁惹味，麻味唔算太重，反而辣得幾香。成個雞煲最出色係花膠，條條花膠筒都有半隻手掌咁大，入口又爽、又彈牙、仲要好入味。 鹽水鵝($148 例牌)連埋潮式蒜醋汁上枱，鹽水鵝食起上嚟都幾爽口，肉唔肥，連皮部份會有小小脂肪，但絕對可以接受，因為即使連皮食都唔覺得肥膩。點埋蒜蓉醋一齊食，微酸帶蒜香，加埋口味清淡而略帶鹹味嘅鹽水香，感覺比滷水更易入口，更合我口味。 🧅◽炸豆腐($65)係我呢餐最鍾意食嘅，一上枱我已經連續食左4，5粒，雖然連埋喼汁上枱，但我無點過，豆腐本身味道已很香，加埋大量炸蒜、適量淮鹽、七味粉，入口
餐牌第一頁就見到花膠麻辣雞煲，超吸引呢，呢個一定要食；再揀吓，朋友鍾意食鹽水鵝，我鍾意脆口嘢，揀左七味炸豆腐。
🥘麻辣雞煲半隻 ($268)連小氣爐上枱，如果唔係要留肚食甜品，真係好想叫碟肥牛😅。雞煲勁惹味，麻味唔算太重，反而辣得幾香。成個雞煲最出色係花膠，條條花膠筒都有半隻手掌咁大，入口又爽、又彈牙、仲要好入味。
花膠麻辣雞煲(半隻)
$268
89 views
0 likes
0 comments
鹽水鵝($148 例牌)連埋潮式蒜醋汁上枱，鹽水鵝食起上嚟都幾爽口，肉唔肥，連皮部份會有小小脂肪，但絕對可以接受，因為即使連皮食都唔覺得肥膩。點埋蒜蓉醋一齊食，微酸帶蒜香，加埋口味清淡而略帶鹹味嘅鹽水香，感覺比滷水更易入口，更合我口味。
秘製鹽水鵝(例牌)
$148
53 views
1 likes
0 comments
🧅◽炸豆腐($65)係我呢餐最鍾意食嘅，一上枱我已經連續食左4，5粒，雖然連埋喼汁上枱，但我無點過，豆腐本身味道已很香，加埋大量炸蒜、適量淮鹽、七味粉，入口外脆內嫩，炸漿金黃亁身，但裡邊勁滑嘅豆腐依然保持濕潤，真係好易食唔停口。
七味炸豆腐
$65
36 views
0 likes
0 comments
認路差不過記性唔太差，下次想再食，唔知可唔可以搵得返呢間唔起眼，但好好食嘅菜館呢？(好彩有寫低食評，又bookmark左，如果記得喺度搵，應該會搵得返嘅😅)
Post
