金玉滿堂

Open Now

Now Closed

近來天氣清涼了不少，又到了食暖笠笠的炆羊腩季節，金玉滿堂的羊腩煲出名大份夾抵食，羊腩連皮帶骨，肥瘦適中，2人吃到飽無問題！此外，這兒的羊腩還會跟一碟菜。雙冬扣黑草羊腩煲$368配上入味支竹、軟稔冬菇、清甜馬蹄、爽脆冬筍。享受完還可以加湯底，轉打邊爐繼續食，非常適合一大班人聚餐！金銀蛋浸娃娃菜$108簡單美味金銀蛋浸娃娃菜，有鹹蛋、皮蛋、肉碎，拌飯一流。七味炸豆腐$72豆腐色澤金黃，表面炸到香脆，裏面嫩滑，粒粒都炸到咁脆口，睇見都非常吸引。😍店鋪光猛，座位寬敞，店員好有禮，價錢非常親民。😃

行開去旺角買遊戲機，青春回憶返晒嚟，煙廠街 裏面有很多隱世小店，臥虎藏龍。其中一間叫 金玉滿堂， 旺角嚟講雞煲係數一數二嘅好食。叫一個雞煲，加個鑊氣小炒，兩碗白飯加支啤酒，男人的浪漫！小小錢就可以買到的快樂。雞煲選擇很多，很吸引眼球的金玉招牌龍蝦雞煲、 金玉南非鮑魚雞煲、海肉蟹雞煲、東風攞海蝦雞煲。最後朋友揀咗花蛤海蝦雞煲，大大隻海蝦，性價比超高。花蛤海蝦雞煲很有創意的配搭，充滿驚喜的新派雞煲，花甲和海蝦這部份的海鮮非常出色。花蛤美味份量很足夠，海蝦很大隻，啖啖肉，鮮甜彈牙。雞肉好嫩滑，雞煲醬汁非常惹味，特色招牌菜之一。調味很濃郁，雞肉和海鮮混合得很好，配飯吃很不錯。再加上熱鬧的氛圍，是朋友聚餐好地方。黑椒薯仔牛柳粒 旺角鬧市中的小街巷風情，品嚐美味小炒！惹味的黑椒薯仔牛柳粒 ，每一道菜都好有鑊氣，特別喜歡牛柳粒，食落軟嫩多汁。充滿甜蜜汁香的薯仔，每一粒都有焦脆口感，黑椒香氣四溢，吃過的肯定讚！

冬天必食羊腩煲，雖然未到冬天，但好想食羊腩保保身，同友人講起，佢話最近佢朋友推薦旺角一間隱世小店，佢嘅雞煲同羊腩煲唔錯，我哋就決定去試吓我哋去到嗌咗一個雙冬扣羊腩煲，附送一份生菜另外叫咗一份七味炸豆腐，一份烏冬，同兩杯鹹檸七雙冬扣黑草羊腩煲：汁底好香好濃郁，羊腩份量多，成個煲滿滿的，羊腩入味夠腍又唔羶，唔肥啖啖肉，皮都炆得夠淋，入口軟綿綿，煲入邊有冬菇，枝竹，冬筍，馬蹄，薑，全部都好入味，附送一份唐生菜，新鮮翠綠又爽口七味炸豆腐：份量頗多，外層包住七味粉，炸到金黃色，好香口，外脆內軟，咬開豆腐滑捋捋，直滑喉嚨，停唔到口稻庭烏冬：幼身，食完羊腩煲加咗少少水，淥生菜同烏冬，淥咗一陣，烏冬已經索晒味，滑捋捋咸檸七：正常發揮，消消熱氣店員有禮，服務亦很周到

天氣開始轉涼，總會有人問幾時食羊腩煲。今日約咗朋友去釣蝦，之後佢哋就揀咗嚟呢一間金玉滿堂食羊腩煲。★̆̈ 雙冬扣黑草羊腩煲（中：$368）呢個羊腩煲係用全羊腩製作，配菜仲有冬菇，馬蹄，枝竹同筍，另外仲送咗生菜。一開始食嘅時候有啲凍同韌，原來個羊腩煲係要冚蓋煲8分鐘之後再食，煲完之後都係覺得個羊味雖然唔腥，但唔夠濃，未夠入味，肉質一般，連皮會好食啲。下面加左個架，可以放心煲～唔會燶底。★̆̈ 脆皮一品燒雞 （半隻$158）個皮勁脆，雞肉好滑，帶有咸香味，點埋少少鹽吊味，好夾★̆̈ 金稻穗香一口牛 （$158）牛柳粒夠肥，食落好腍，牛味都幾濃。金稻穗香記係指飯，個飯應該有炸過，有少少脆脆食落好特別，仲撈咗好少嘅Wasabi醬，食起上嚟幾特別。除咗牛同飯之外，碟嘢入面有茄子肉，本菇，仲有個醃過嘅蘋果，食落爽口酸酸辣辣嘅，成碟嘢都好特別，叫嘅時侯唔預有咁多嘢，好似尋寶咁😂總括嚟講，覺得個雞同牛比羊腩煲出色，鑊氣唔錯，但店員態度就一般般。

金玉滿堂（旺角）秋冬季節，必尝一口暖肚黑草羊腩煲！不但味道一绝，而且羊腩还富有营养。在旺角金玉滿堂餐廳有特色雙冬扣黑草羊腩煲，真的是满室飘香，丰盛美味，仲经常店內座无虛位，人气非常旺盛，所以最好先打电话預訂哦！//雙冬扣黑草羊腩煲(中)$368大大煲足料黑草羊腩、冬菇和冬筍.腐竹.馬蹄.燉煮而成。黑草羊腩肉質鮮嫩，經過長時間燉煮後更加軟糯，入口即化。冬菇增加了菜餚的香氣，而冬筍則增添了脆爽的口感。整道菜味道濃郁，層次豐富，非常適合三五知己在冷天享用。//配搭：新鮮唐生菜 1份//生拆蟹粉海蝦龍仔糯米飯$288秋天來一份蟹粉海蝦龍仔糯米飯，新鮮的海蝦和生拆蟹粉，搭配嬬米飯。米飯吸收了海鮮的鮮美味道，口感軟糯，蟹粉和海蝦的鮮甜讓整道菜肴口味鮮美又不失層次感。呢道菜的火候把握得非常之好，再加上青葱、肉粒的点缀，色香味撲鼻，令人垂涎欲滴，食欲大开！//招牌菜包括：香草奇趣芥末元貝皇/招牌龍蝦雞煲/雙冬扣黑草羊腩煲/梨山醬汁骨/老壇酸菜魚餐廳：金玉滿堂地址：旺角煙廠街6-20號華新大廈地下14-14A號舖粤菜(廣東)/港式/海鮮/中菜館/私房菜

鬧市中的鯉魚門 國慶好多人去旺角，偶爾入去煙廠街見到間餐廳海鮮好生猛，食個雞煲都好可以補身又暖身仲有食得豪氣D金玉招牌龍蝦雞煲真係足足一隻鮮活龍蝦，蝦肉鮮甜，肉質飽滿，非常新鮮。仲有雞肉很入味，肉質嫩滑，海鮮跟雞煲真係好夾。我哋叫左細煲，都夠兩個人食，店員話加湯仲可以打邊爐。配料很多，點解醬汁甘惹味，原來加入了洋蔥，蒜頭，少許芫茜，菇菌提鮮。辣度都有得揀，但我自己想食原味多的。鮑魚撈飯用上南非的鮮鮑魚，鮑魚都好大隻又飽滿，口感柔滑，切開見到肉色光澤，炆得好入味，醬汁是秘製，拌飯一流。除了鮑魚，醬汁，白飯香軟，仲有配菜，一人份量算唔錯。

餐廳就有排檔街市旁，門口有大大個海鮮櫃，而且還晚上九點後海鮮有８５折優惠，性價比會更高！所以愈夜愈多人的！花蛤海蝦雞煲（３９８元）雞煲是半隻雞的份量，雞本身挺大隻的，肉挺多，炒得非常入味，而且挺有鑊氣的，味道是挺惹味的，偏甜口的，甜甜辣辣的感個。而雞吃起來有點雞味，雞肉質嫩滑。另外的花蛤和海蝦，份量挺足的，花蛤和海蝦的口感都挺爽滑，而且都挺新鮮。糖醋咕嚕肉（９８元）這個挺傳統的煮法，吃起來挺酥脆的，外脆內嫩的，而且咕嚕肉也不會太肥膩，有肉味！醬汁味道酸甜，挺下飯的！椒鹽白飯魚（１０８元）白飯魚的份量挺足的，炸得特別香脆，吃到魚肉的部份還是嫩嫩的，而且椒鹽味特別香，挺適合配酒的！紅燒ＢＢ鴿（７８元／隻）現點現炸，吃起來特別外焦裡嫩，而且醃得很夠味，不會配其他調味料都好吃了，吃起來有肉香！

看食評選擇這裡中秋節+爸媽生日慶祝，位置比較隱蔽，鋪內佈置如小型大排檔，冷氣不足，衛生環境普通，全鋪只有4個人，樓面只有1人。本來諗住食物質素好的話，其他的都可以得過且過，而且價錢不比酒樓平。當晚有鮑魚雞煲、上湯龍蝦伊麵、通菜煲、椒鹽鮮魷、咕嚕肉、豉油王鵝腸、小炒王、酸菜魚共$2400幾。鮑魚雞煲$800幾，本來有8隻四頭鮑因為唔夠貨所以得4隻鮑魚+花甲頂替，上湯龍蝦伊麵$400幾，伊麵滿滿油溢味，啫啫通菜都要$100但得半斤份量，連白飯都得半碗。怪不得香港食肆生意不好因為質素真係每況愈下。

俾門外有裝住海鮮嘅水櫃吸引咗，餐廳十足十鯉魚門，估唔到旺角鬧市有間咁嘅嘢，餐牌有多款加入咗海鮮嘅雞煲選擇，啱晒一班人去食。雞煲加入海鮮在內，令到雞同海鮮互相補拙。叫咗個花蛤蝦雞煲，海鮮佔有雞煲汁醬同辣汁，十足十避風塘炒蜆咁，好惹味。鍾意食配料嘅朋友有福了，蒜頭入咗味之後超好食！另外都嗌咗兩盅燉湯，分別係羊肚菌燉響螺湯，以及花膠螺頭雞湯， 兩款湯水都超甜，食材嘅鮮甜🥰湯超足料，上枱時内𥚃有好多材料俾你品嚐，響螺超級咬口，花膠唔會一咬就散晒☺️

花膠麻辣雞煲（細煲）🐔$288佢哋有好多款唔同嘅雞煲，全部都可以揀唔同到辣度，我哋今次揀嘅呢個花膠雞煲，有五至六嚿花膠，每一嚿都超級大嚿，感覺超抵食呀！雞煲亦都唔會太過油膩 或者 太鹹，整體感覺都好唔錯！🙌🏻🙌🏻蒜蓉元貝蒸勝瓜🐚$148見到佢哋呢間舖頭有好多唔同款式嘅海鮮選擇，我今次就揀咗呢一個蒜蓉蒸元貝勝瓜，香濃嘅蒜蓉味，令到元貝感覺更加好食呀！椒鹽白飯魚🐟$118唔係太多地方有得嗌椒鹽白飯魚，見到呢度有就決定試吓！佢哋嘅椒鹽白飯魚全部都係即叫即炸，熱辣辣好香脆，白飯魚唔會太細條，咬開仲食到魚肉嘅質感！烏龍茶$18

睇到哩間餐廳出咗雞煲，一定要試試。晚市依然好full，全場book滿，睇落大部分都係附近街坊，要想食一定要提早定位啦。淮杞螺頭燉雞湯，燉湯全部足料煲制，可以睇到湯裡落咗大量藥材食材。湯色清澈透亮，雞味好香。特別係落咗好多枸杞，飲落更加清甜。蒜蓉炒生菜，哩碟餸炒得好有鑊氣，落咗大量蒜蓉大火爆炒生菜，生菜炒到啱啱斷生，食落爽脆還伴有好重嘅蒜香味。花蛤海蝦雞煲（細份），FD唔可以食辣，所以揀咗BB辣。雞煲即叫即整，需時耐D。雞肉超級嫩滑，醬香味十足。估唔到大大隻海鮮有6隻，差唔多有半隻巴掌大。蝦肉鮮甜彈牙，超級高質。花蛤肉肥厚鮮甜，嗦曬雞煲醬汁味道，食到停唔落口。細份雞煲真係份量超足，最後同FD食到好飽TIM。

旺角好多美食啦，這次找到一家大排檔，就在旺角街市裡面！味道不錯～花蛤海蝦雞煲💰398坐下就先點了一個雞煲，雞煲也是這家店的特色菜了！兩個人點一個小份的完全足夠了呀！份量很足夠了，雞肉很嫩滑，蝦的個頭也很大，花蛤肉很大～調料汁很濃郁，把雞肉海鮮的味道混合得很好，每口都是肉！很不錯👍乾炒牛河💰108大排檔的炒牛河肯定需要讚的，鑊氣充足，牛肉片也很多，鹹淡適宜，可以再點一個辣椒醬點著吃更好吃了花膠響螺燉雞湯💰72這裡也有燉湯喝啦，廣東人少不得經常來一口養生湯啦～湯料很足，味道也濃郁，湯汁很清澈，味道很好蒜蓉白菜仔💰90經典炒菜！大排檔必點，夠鑊氣

今日經開旺角街市，見到後面原來有間小菜館，一於試下先。 呢度除咗多款小菜，仲有好多款唔同嘅雞煲。 花膠麻辣雞煲：個雞煲好大煲，啲雞肉份量都幾多，而且夠滑夠嫩，加上大量乾葱和香蒜，同埋數十款香料，帶點微辣，非常惹味。花膠份量亦多，又夠厚身，吸收咗雞煲嘅精華，非常入味。 金玉滿堂一品炒飯：炒飯炒得夠乾身，粒粒分明。 椒鹽脆鮮魷：魷魚撲上一層薄生粉，炸至金黃。香脆可口，魷魚爽口鮮甜，椒鹽味道惹味，送啤酒一流。 宜家凡惠顧滿$500，即可免費換領指定小菜一款。

旺角鬧市中美味小炒‼️🔥煙廠街中菜館金玉滿堂😋用餐環境讓人感到舒適🍴小菜充滿惹味人氣鼎盛 🤗新派鍋煲及海鮮菜出色🦐位於旺角餐廳位置便利🔥金玉麻辣花膠雞煲是一道驚艷的佳餚。麻辣湯底香氣四溢，花膠的滑嫩與雞肉的鮮美完美結合，每一口都刺激著味蕾，花膠的彈牙口感，麻辣味道濃郁，花膠質地彈牙，雞肉鮮美多汁😀黑椒牛仔骨香氣撲鼻，牛仔骨的嫩滑與黑椒的辛香交織，黑椒的香辣味道，簡直是一種美味的享受。內裡肉質柔嫩😋豆豉鯇魚油麥菜一道清新爽口的選擇。豆豉的鹹香與油麥菜的脆嫩完美搭配，加上鯇魚的鮮美，份量非常足美味😀惹味的小菜和熱鬧的氛圍，成為旺角的美食聚集地。無論是麻辣花膠雞煲，還是黑椒牛仔骨，每一道菜都充滿了驚喜與美味，是朋友聚餐好選擇😋

食過幾次「金玉滿堂」，都覺得佢哋嘅菜式同雞煲都好出色💯所以繼續Encore😬😬😬😬.金玉招牌龍蝦雞煲(細)🍲一打開已經見到唔少龍蝦肉🦞新鮮龍蝦食落果然鮮甜彈牙😆蝦膏金黃且甘甜🤤雞件大件又嫩滑😍而且唔會太肥🐓加埋薑🫚洋蔥🧅菇菌🍄‍🟫醬料香辣惹味🌶️又唔會太鹹☺️☺️.准杞螺頭燉雞湯🥣入口飲到獨特准杞嘅清甜味😋螺頭爽滑🐚另外有紅棗❤️雞肉🐔瘦肉🐖非常滋補😌😌