Video
Read full review
2024-06-23
1515 views
自從 AsiaWorld-Expo 成為香港其中一個主要表演場地之後，我呢個 #鏡粉 周不時都會走入 #東涌 搵食，行吓買下先至入場😉 呢晚 #Edan 聯到幾位歌手開show，咁興奮嘅時刻，又點少得 #小秘書 嚟助興🥳 喺出發之前，梗係要醫飽個肚先至有力嗌㗎嘛🤣🤣 聽講喺 #纜車站 附近開咗間「隱世川菜館」 #花椒八角，餐廳設計夠晒chill之餘，食物品質都唔錯，當然要試吓師傅嘅手勢啦😚我哋嚟到餐廳大概係下晝五點左右，仲趕得切食 #下午茶 時間😉 咪以為我哋嚟食 #西多士 咁簡單，原來佢哋嘅下午茶除咗有炒粉麵之外，居然過分到可以叫 #烤魚 或者 #酸菜魚 做主食，價錢都只係$208（已包含$30轉食鱸魚嘅附加費）仲要包埋碟 #口水雞🐥 以香港人嘅消費模式，實在難得一見😚 我哋揀咗 #川椒麻辣 做湯底，#雲耳、#大豆芽 同 #水晶粉 浸喺熱辣辣嘅湯鍋裏面，當然唔少得大大條 #鱸魚 做呢餐嘅主角啦😉 師傅將鱸魚炮製得皮脆肉嫩，再配埋個川椒麻辣湯入口，份外惹味🤤 而跟餐嘅口水雞品質一啲都唔馬虎，特製嘅醬汁掛喺雞件上面，加埋啲香蔥花生水一齊食，確實有另一班風味🤤 而另外再叫嘅下午茶餐 #乾
我哋嚟到餐廳大概係下晝五點左右，仲趕得切食 #下午茶 時間😉 咪以為我哋嚟食 #西多士 咁簡單，原來佢哋嘅下午茶除咗有炒粉麵之外，居然過分到可以叫 #烤魚 或者 #酸菜魚 做主食，價錢都只係$208（已包含$30轉食鱸魚嘅附加費）仲要包埋碟 #口水雞🐥 以香港人嘅消費模式，實在難得一見😚 我哋揀咗 #川椒麻辣 做湯底，#雲耳、#大豆芽 同 #水晶粉 浸喺熱辣辣嘅湯鍋裏面，當然唔少得大大條 #鱸魚 做呢餐嘅主角啦😉 師傅將鱸魚炮製得皮脆肉嫩，再配埋個川椒麻辣湯入口，份外惹味🤤 而跟餐嘅口水雞品質一啲都唔馬虎，特製嘅醬汁掛喺雞件上面，加埋啲香蔥花生水一齊食，確實有另一班風味🤤
而另外再叫嘅下午茶餐 #乾炒牛河，碟頭嘅size跟晚餐無誤，而且鑊氣十足，牛肉入口仲保留住原有嘅肉汁，真係估唔到$48都有咁嘅質素🤤 而下午茶時段，佢哋嘅 #冰茶 同 #果汁 都係任飲嘅，啱晒我呢個水怪🤭🤭
#小秘書 最後仲要一讚佢哋嘅員工都非常有禮貌，即使我哋入到去撞正員工嘅食飯/休息時間，大家都冇因為咁樣漠視我哋，反而經理仲走出嚟為我哋安排，仲鬼咁熱情向我哋介紹食物… 好窩心呀！
📍 花椒八角 (東涌) 達東路花園地舖
Post
