Video
Read full review
2023-10-23
25 views
終於到星期五！今次去咗公司附近嘅一間西餐廳，主打多款抵食西式料理同自家發酵烘焙嘅牛角窩夫🥐！小店菜式出品高質而且價錢唔貴，值得支持！餐廳唔係好大，專登採用高樓底嘅設計，另外仲有室外座位提供，務求令客人坐得舒服，所以嚟之前都記得要book位！餐廳冇限時限住客人幾點要食完，可以慢慢坐低傾個偈，平時星期五收工嚟漫活一下都唔錯～------------------------------🥗◖A.O.M沙律◗ $78呢個沙律有多配料，除咗有沙律菜，仲有海草、蟹柳、飛魚子同香辣蜜糖芥末，口感味道都唔錯。加入咗啲薯片，更加增添左啲口感，食落脆卜卜咁🥯◖現烤蒜香芝士麵包球◗ $58即叫即烤，需時20分鐘，麵包球烤出嚟外脆內軟，裏面搽咗蒜香芝士，口感軟滑，蒜味濃郁，正！🥠◖A.O.M焗慢煮雞柳墨西哥玉米片◗ $88佢有大同細兩個size可以揀，要咗一份細嘅，粟米片撈埋一絲絲嘅雞柳，伴牛油果醬🥑同乳酪，個人鍾意點乳酪，口感順滑帶有奶香！🐖◖香煎荷蘭三層肉◗ $178有兩條豬腩肉，搽上自家製嘅香茅蔗糖醬拎去煎，夠香甜甜地，肥肉又唔會太多，肉味都幾濃郁，仲可以點佢旁邊嘅焦糖檸檬，檸檬香令佢食落更清新，
------------------------------
🥗◖A.O.M沙律◗ $78
呢個沙律有多配料，除咗有沙律菜，仲有海草、蟹柳、飛魚子同香辣蜜糖芥末，口感味道都唔錯。加入咗啲薯片，更加增添左啲口感，食落脆卜卜咁
🥯◖現烤蒜香芝士麵包球◗ $58
即叫即烤，需時20分鐘，麵包球烤出嚟外脆內軟，裏面搽咗蒜香芝士，口感軟滑，蒜味濃郁，正！
🥠◖A.O.M焗慢煮雞柳墨西哥玉米片◗ $88
佢有大同細兩個size可以揀，要咗一份細嘅，粟米片撈埋一絲絲嘅雞柳，伴牛油果醬🥑同乳酪，個人鍾意點乳酪，口感順滑帶有奶香！
🐖◖香煎荷蘭三層肉◗ $178
有兩條豬腩肉，搽上自家製嘅香茅蔗糖醬拎去煎，夠香甜甜地，肥肉又唔會太多，肉味都幾濃郁，仲可以點佢旁邊嘅焦糖檸檬，檸檬香令佢食落更清新，頗有層次感！
🍝◖濃厚蝦醬意大利粉◗ $138
意粉煮得唔錯，口感啱啱好，有四隻鳳尾蝦，加入櫻花蝦、蝦醬去煮呢個意粉，夠掛汁食落去蝦味好濃郁，鮮味十足！
🥐◖台式芋泥奶蓋窩夫◗ $68
呢個甜品要15分鐘製作時間，用上自家發酵烘焙嘅麵團，新鮮烤焗而成。切落去脆卜卜，裏面夠鬆化，上面係凍冰冰嘅芋泥，仲食到粒粒芋頭嘅口感，再加上微鹹嘅奶蓋，整體都唔會好甜好漏！
🫐◖Blueyo◗ $78
呢杯嘢分咗兩層，上面係雜莓沙冰，下面係乳酪，整體味道酸酸甜甜，仲食到莓香，幾開胃！
🍹◖Melon Sour◗ $78
成杯嘢偏酸，帶有淡淡嘅蜜瓜香氣，味道幾清新
🌟 Encore指數：8.9/10
Post
