Little Fresh Cafe & Bar

Open Now

Now Closed

去咗日本兩個星期，刺身，壽司，和牛，燒肉食完，係時候轉轉口味，即刻去揾吓先。Little fresh 在銅鑼灣有分店，一直好想去試吓，今次咁近我無理由唔去啊。地方環境安靜舒適，想靜靜地享受食物或與朋友相聚都十分合適。菜單有多款選擇，吸引的多了一款Today Special,（由廚師發辦）如果有選擇困難就好適合了。今日Special 係黑松露蟹肉意粉。先送上鮮菜意大利果醋沙律🥗，西蘭花忌廉湯不是濃濃杰杰那種，一入口就知廚師用心去做出清香忌廉牛油味嘅清湯，感覺非一般好味。還配上皮脆軟熟的牛油蒜蓉包，軟硬適中。主角意粉分量十足，以為蟹肉不會多但想不到吃到最後一口，仍有不少蟹肉掛在每條意粉上，完全滿足晒蟹痴的我。另外點了一款紅洒慢煮牛面頰，厚厚的面頰又林又嫩滑，一絲絲的牛肉吸收晒紅酒甜酸嘅味道卻沒有蓋過牛肉的鮮味，－切都合到好處，值得一讚。還有配菜𥚃的薯蓉，是我最喜歡的做法，林滑𥚃略有少少咬口的薯粒。感覺上每款菜廚師都係用心去煮，我感受到！結帳時，職員送上優惠Code : B43889 訂位時，只要提供此優惠Code 可得9折優惠。有興趣的朋友可以使用啊。