牛霸王

Open Now

Now Closed

呢間餐廳真係令我好有驚喜，估唔到一間唔算太起眼嘅餐廳啲食物質素咁高。我叫咗佢地嘅招牌手打和牛漢堡飯，真係好正，一層層咁叠起來好靚，厚厚嘅和牛漢堡，肉質嫩滑，口感超好，另一層配上佢地嘅配菜同醬汁味道超濃郁，頂層仲有隻鮮雞蛋配搭，再加上底層熱騰騰嘅白飯，真係一啖接一啖，撈埋一齊簡直食到停唔到口；另外佢地嘅胡麻牛肉飯，牛肉鮮味，配搭洋蔥同醬汁食落去有種滿足感，味道好豐富；仲有佢嘅大根沙律同甘栗紫薯餅都係必試，真係好好味。而價錢都好合理，對於呢個質素嘅牛肉嚟講，真係超值！整體來說，呢間餐廳絕對係一個牛肉迷必去嘅地方，下次再去一定要試多啲佢地嘅其他菜式！