手拉麵小廚

Open Now

Now Closed

呢間舖頭嘅小籠包你一定要試，因為我夠膽講，冇一間舖頭嘅小籠包入邊可以有咁多湯，啲湯多到我以為自己食緊灌湯餃。而且小籠包嘅皮夠厚，湯夠多。所以行過路過，都記得唔好錯過佢個小籠包。之後仲食咗佢嘅回鍋肉炒年糕，呢度嘅年糕有啲特別佢唔係一片片嘅年糕，而係一條條嘅年糕，令到口感味覺更加豐富。再加上佢回鍋肉嘅辣汁充滿濃厚嘅豬肉味，就好似豬肉同年糕嘅味道互相混合，係一碟充滿豬肉味嘅回鍋肉炒年糕。最後要講嘅梗係壓軸出場嘅擔擔面，呢一碗擔擔麵絕對冇偷工減料，充滿濃厚嘅花生味，仲有充滿豬肉香味嘅肉碎，加埋手打拉麵，簡直無懈可擊。絕對令人值得一試再試。