輝哥火鍋 (Moved) New Location

其實朋友成日話輝哥火鍋好好食，但擔心好貴，所以一直無去，但今次好想食打邊爐，貴都去喇!兩個人去食，叫了肥牛、四寶丸及鮮原隻帶子(由店員推介)、黑柏葉併鵝腸、菜，湯底為紫菜湯。我個人就最鍾意肥牛、蝦丸、牛丸及湯底，肥牛超鬆軟。我朋友就話墨魚丸最好食。原隻帶子一定要切片，我地要左原隻，熟後變得好硬，$38一隻，浪費了。用東亞信用卡有88折，記得要自己開聲問，店員不會主動問你有冇卡。兩個人食有折都要$600，貴係貴少少，但都可以試一次，但我朋友話個價錢俾以前平左，以前兩個人食好似要成千落樓。