初心

Open Now

Now Closed

已經第三次幫襯初心雞煲任食火鍋，原來這裏還有好多新鮮海鮮供應，見到巨型的阿拉斯加巨蟹，真係流曬口水，哈...！我最鍾意就係套餐裏面的環球海鮮拼盤，海鮮新鮮充滿海水味，鮑魚、生蠔、翡翠螺、海蝦、龍躉肉大大件，淨係食呢個海鮮拼盤已經值回票價！一坐低，職員便立即奉上三文魚刺身、五款小食和雞煲，雞煲有辣有唔辣，今次，我們點了走辣，雖然是走辣，但是仍然很惹味，食到我舐舐脷！食完雞煲之後，職員換上火鍋煲，我們選擇了非常鮮甜的蕃茄美人湯底，我們吃了很多食物，其中包括：肥牛、黑豚肉、手打牛丸、水餃皇、水炸魚皮、炸響鈴、日本蟹柳、生魚片、雜菜和稻庭烏冬。這次吃的肥牛，比以往的質素更加高，正！另外我每次也會點手打牛丸，這個我非常之推介，又有鮮牛肉味，又有彈牙感覺！水餃皇也不錯！到達初心的交通也非常方便，地鐵將軍澳站C出口，步行五分鐘便到。