Video
Read full review
2007-03-16
13 views
此餐廳之主要罪行：要客人等候甚長時間，我地在午餐時段等了５５分鐘，才等齊所有食物，但餐廳方面欠缺合理解釋。如果有任何一位侍應向我地講佢地出現左問題而要等，我地都覺得ｏｋ，但係佢地竟然無任何解釋，只係好例行地講「會睇睇」這些敷衍的回應來應酬我地，服務既態度實在頑劣，莫講係酒店的餐廳，就算一間普通餐廳都唔可以係咁對客啦。男經理同女經理的態度絕不適合作此職位及行業，對客人敷衍的態度是最最最令人難受！事情既經過如下，大家可以評評理：今日我們一行6人，1:00pm到此午餐，（我地已預先訂位，不過此餐廳有規定要12:00nn.或之後才可電話訂位）。我們點了4個海南雞飯+ 1個魚頭湯米+ 1 個星洲炒蘿蔔糕+ 1個咸魚芥蘭+ 半打雞肉串燒。5分鐘左右，先來半打雞肉串燒，我地都覺得不錯，再來咸魚芥蘭，味道就奇淡，咸魚少到睇唔到，應該得個4粒到啦, 如果話係溶左入個菜度，咁就奇喇，因為一d味都食唔到，好似清炒芥蘭咁就盛惠40大元。跟住來個星洲炒蘿蔔糕，都無咩野，ok既。之後就是受難曲的開始了。到了1:30pm 都未見有4個海南雞飯+ 1個魚頭湯米，我地咪追order啦。大家都係打工仔，lunch時間有限
要客人等候甚長時間，我地在午餐時段等了５５分鐘，才等齊所有食物，但餐廳方面欠缺合理解釋。如果有任何一位侍應向我地講佢地出現左問題而要等，我地都覺得ｏｋ，但係佢地竟然無任何解釋，只係好例行地講「會睇睇」這些敷衍的回應來應酬我地，服務既態度實在頑劣，莫講係酒店的餐廳，就算一間普通餐廳都唔可以係咁對客啦。
男經理同女經理的態度絕不適合作此職位及行業，對客人敷衍的態度是最最最令人難受！
事情既經過如下，大家可以評評理：
今日我們一行6人，1:00pm到此午餐，（我地已預先訂位，不過此餐廳有規定要12:00nn.或之後才可電話訂位）。
我們點了4個海南雞飯+ 1個魚頭湯米+ 1 個星洲炒蘿蔔糕+ 1個咸魚芥蘭+ 半打雞肉串燒。
5分鐘左右，先來半打雞肉串燒，我地都覺得不錯，再來咸魚芥蘭，味道就奇淡，咸魚少到睇唔到，應該得個4粒到啦, 如果話係溶左入個菜度，咁就奇喇，因為一d味都食唔到，好似清炒芥蘭咁就盛惠40大元。
跟住來個星洲炒蘿蔔糕，都無咩野，ok既。之後就是受難曲的開始了。
到了1:30pm 都未見有4個海南雞飯+ 1個魚頭湯米，我地咪追order啦。大家都係打工仔，lunch時間有限，明啦。跟住都算ok快上返個魚頭湯米比我地。
不過，4個海南雞飯仍然下落不明。我地搵左落單那位男經理，佢話睇下之後，就走開左。咁我地繼續等啦，隔左陣再搵佢，就話斬緊雞，不過再等左一陣，我地再追其他侍應啦，佢地都做唔到d咩。再等，已經係1:45pm，即係已經等左45分鐘，個男經理又唔知去左邊(可能去左斬雞)。跟住我地就向另外一個女經理反映要快d，因為無時間食，跟住這位女經理都話會幫我地跟，但係佢一見到佢d熟客就雞啄唔斷咁吹水, 好似唔記得要同我地追d飯咁, 到1:53pm左右先來一碟，要逐碟逐碟上都算，過份既係去到第三碟既時候竟然反問我地三碟齊喇，我地真係激死左。
最終我地用左5份鐘時間掃晒d食物落肚，總之就離晒譜。
我地觀察到此餐廳有這些問題的可能原因：
1)廚房做唔切，不明既係全部都係set lunch，應該一早就做好啦，可能廚房班友玩野。
2)電腦出問題
3)個男經理根本就落漏單
食物質素係ok既，不過服務態度真係唔得囉。如果你有時間等就無問題，如果唔係，就真係唔好去喇。
Post