利興

Open Now

Now Closed

又是周五二胡團，估唔到咁快就學到初班既最後一堂，呢排無練真係跟唔上進度，睇黎要加倍努力先得﹗行去西灣河街市諗住食大排檔，見到佢竟然在轉角隧道位有得坐街邊，梗係試下﹗先來鵝片，鵝肉質軟得黎卻偏o鞋，鹵水味道還算入味不錯﹗蠔仔粥佢加入左我最鍾意既紫菜，吃落份外鮮甜，蠔仔夠多，但吃到兩口有蠔仔殼。東風螺不少肉都黐住拉不出來，明顯未夠熟透，尚算大隻彈牙味道卻淡﹗椒鹽鮮魷夠味，炸粉夠薄亦夠脆，鮮魷彈牙有嚼勁，好吃﹗最後是椒絲腐乳通，枱枱都吃，新鮮爽脆。整體來說ok啦，不是味味也好吃，大排檔也很難做到碟碟岩胃口，加多四五支獅威，埋單一人都係九十蚊，抵吃吧﹗