Pom's Kitchen & Deli (Moved) New Location

講起德國，大家第一時間會諗起咩？我呢個為食鬼就諗起啤酒同埋肉腸，真係諗起都流口水。本來想放工去間德國餐廳食餐勁，點 知我有個同事話想食意大利野，我又醒起屋企附近有間餐廳可以滿足我地兩個願望，所以就帶佢黎咗呢到。同事一入到餐廳，就比隔離枱個南瓜三文魚意大利飯吸引咗，佢話好少見，而且南瓜感覺好健康，所以就叫咗嚟食。其實我個人一向唔太鍾意食意大利飯，因為覺得啲飯好硬，但呢間餐廳就迎合咗香港人嘅口味，飯既軟硬度我覺得適中，連食開意大利野既呢位同事都話好食；重點係，飯入面既南瓜同三文魚都係大大粒的，絕對無偷雞，味道真係唔錯，讚。而我當然係為咗德國腸併盤而來，併盤上有數款肉腸，啖淡肉送啤感覺一流。另外我地仲叫咗個白酒煮蜆，唔係講笑，呢個蜆湯真係正，而且啲蜆都算大隻，加埋一塊塊蒜，味道可口，如果啲湯可以用來點麵包食，都咪話唔正。