Video
Read full review
2009-12-28
173 views
一世人一定要去食一次 自少就知道有呢間高級餐廳, 屋企人有講, 自己都有陣時揸車經過, 人一世物一世真係要豪一次去試一試今之係我最有準備既一次晚餐, 同自己喜歡既人去食. 要準備好D, 我十一月尾已經打電話來BOOK, 個WAITER 好有禮貌咁幫我落BOOKING. 食之前一日仲打來同我CONFIRM, 呢D就係PRO 既態度.果晚我地好早就到左, 一入到去就想緊自己真係著錯衫...我知道以前呢度係一定要FINE DRESS UP先可以入去, 不過而家放寬左, 而家淨係唔可以著短褲同涼鞋. 我果日著得都好CASUAL, 牛仔褲波鞋+SPORT外套, 友人都係同我差唔多. 不過我地都認為下一次再來一定要非常尊重, 要著番西裝皮鞋先至岩FEEL. (有踢死兔會更好)WAITER既水準應該係全港數一數二, 以前去同級既餐廳都無呢度咁嚴謹, 呢度D人真係好PRO, 個CAPTAIN真係要比十粒星佢. 真係好細心, 每一個STEP都好嚴謹, 令客人真係食得好開心. 點左支HOUSE RED, 都唔錯.先講講D面包, 我本人係幾喜愛食面包, 不過今次係件牛油令到我更加想食面包, 點解牛油
自少就知道有呢間高級餐廳, 屋企人有講, 自己都有陣時揸車經過, 人一世物一世真係要豪一次去試一試
今之係我最有準備既一次晚餐, 同自己喜歡既人去食. 要準備好D, 我十一月尾已經打電話來BOOK, 個WAITER 好有禮貌咁幫我落BOOKING. 食之前一日仲打來同我CONFIRM, 呢D就係PRO 既態度.
果晚我地好早就到左, 一入到去就想緊自己真係著錯衫...我知道以前呢度係一定要FINE DRESS UP先可以入去, 不過而家放寬左, 而家淨係唔可以著短褲同涼鞋. 我果日著得都好CASUAL, 牛仔褲波鞋+SPORT外套, 友人都係同我差唔多. 不過我地都認為下一次再來一定要非常尊重, 要著番西裝皮鞋先至岩FEEL. (有踢死兔會更好)
WAITER既水準應該係全港數一數二, 以前去同級既餐廳都無呢度咁嚴謹, 呢度D人真係好PRO, 個CAPTAIN真係要比十粒星佢. 真係好細心, 每一個STEP都好嚴謹, 令客人真係食得好開心. 點左支HOUSE RED, 都唔錯.
先講講D面包, 我本人係幾喜愛食面包, 不過今次係件牛油令到我更加想食面包, 點解牛油可以咁靚架....本來都唔捨得食, 因為我真係覺得舊牛油係一件藝術品
頭盤點左周打蜆湯, 鵝肝同煙三文魚, 鵝肝水準之作, 必食之選!! 加埋果塊送鵝肝既面包, 正. 三文魚都唔錯, 不過因為有鵝肝, 三文魚即刻失左色. 個周打蜆湯, 好好味呀, 果隻蜆好大隻, 個湯佢會擺出來係你面前煮番熱佢, 勁好味.
MAIN COURSE 之前有一個好好味既西柚雪巴都係超好食, 好清新, 比你清下口入面既味道.
MAIN COURSE 分別點左牛扒 同埋 銀鱈魚
牛扒要5成, 好大塊好好食.
我自己點果個銀鱈魚真係超好食, 如果有錢日日食我都唔會厭, 佢仲有一隻蠔係面, 自覺係享受當中既享受, 非筆墨所能形容
最初想住3個COURSE會唔飽, 食到呢到已經知道錯啦....
甜品要左兩個SOUFFLE, 又係好食到震. 我同友人都係幾渴望試下呢到既甜品, 食完之後真係超級滿足. 除左SOUFFLE之外, 我一早仲ORDER左成個拿破倫餅, 仲想住一人食多件之後打包, 最後係兩個人SHARE左一件之後打包. 我以前都試過走來買呢個全港有名既拿破倫餅, 果然一試難忘, 所以今次都一定要再食, 不過真係好飽.
不得不提係呢度既氣紛真係一流, 三位LIVE BAND係呢度既氣紛能手. 最適合係同另一半來食. 千其唔好話貴, 因為真係物有所值.
Post
