Brass Spoon (Closed)

一直聽D金牌食評或竹星仔説這越南河粉全港最好，舊舖地方唔多就腳，今日終於由IFC 行過嚟見到1點了唔多駛等，就入去試下。叫個普通生牛河加料牛丸牛筋，已經成$120, 但碗粉來到時候覺得分量仍然偏少。首先試試湯底，OK幾清，但不至於Wow的感覺，冇D食評講到咁誇張吧。牛肉唔錯但老實說係响超市或大昌都買到嘅打邊爐美記肥牛質素，仲要得3塊。河粉應該係最好一環，唔淋bat bat. 其他小食選擇好少，睇到隔離叫嘅春卷話冇乜特別，亦冇乜意欲叫了。個人認為這店有Michelin 推介有嫌overstatement，不過不嬲Michelin Guide亦好多時老點。要人均消費連加一要$150 嘅Pho 都有大把其他options, 質素亦不大分別，menu 亦更豐盛。偶爾食吓可以，呢道仲要食得唔係咁飽，不會刻意返嚟啦。PS. 由於碗粉來到時巳唔太出煙，本人不喜歡食物變冷，所以唔記得影相。