Video
Read full review
2022-10-06
371 views
位於銅鑼灣耀華街The Zing ! 15/F 以Omakase廚師發辦為主打的「山」YAMA，以食材分類之主題Omakase為招徠，共分為6大主題，包括和牛、黑豚、雞、魚、蟹和海之幸。各具特色，大部份用相最上乘的日本直送食材入饌，配上甚具特色的餐具，完全體驗了味覺和視覺嘅震撼，加上以山林為餐廳的設計元素，一室木系枱椅和柔和燈光，在鬧市中可以享受一處恬靜自然空間✨蟹之盛宴廚師發板 $ 1388師傅用上北海道不同季節嘅蟹類，特選毛蟹，松葉蟹，雪場蟹，香箱蟹等等，今日我就有機會品嚐比較少有嘅香箱蟹，味蕾震撼馬上開始🦀▪️香箱蟹肉，蟹籽，柚子啫喱用蟹蓋承載住，香箱蟹肉肉質帶點點煙韌極度鮮味，中間部份係金箔柚子啫喱，食完蟹肉可以清清口腔，再進食味道濃厚而且口感豐富嘅香箱蟹蟹籽，濃烈嘅味道震撼味覺，好好食🦐▪️雲丹明太子白海老白蝦細細隻，我估計呢度嘅份量大約有幾十隻，口感彈牙又帶點黏口，好鮮味，白蝦本身味道比較淡再配合明太子醬，海膽，尋魚子醬，口感和味道更加豐富🍲▪️蟹出汁蟹湯用上利尻昆布，蟹殼熬煮，鮮甜鮮味非常，飲到底仲可以食到大量松葉蟹肉，太美味了🐟▪️季節刺身由淡味道濃味開始，帶子魚子，右口魚，深
位於銅鑼灣耀華街The Zing ! 15/F 以Omakase廚師發辦為主打的「山」YAMA，以食材分類之主題Omakase為招徠，共分為6大主題，包括和牛、黑豚、雞、魚、蟹和海之幸。各具特色，大部份用相最上乘的日本直送食材入饌，配上甚具特色的餐具，完全體驗了味覺和視覺嘅震撼，加上以山林為餐廳的設計元素，一室木系枱椅和柔和燈光，在鬧市中可以享受一處恬靜自然空間
✨蟹之盛宴廚師發板 $ 1388
師傅用上北海道不同季節嘅蟹類，特選毛蟹，松葉蟹，雪場蟹，香箱蟹等等，今日我就有機會品嚐比較少有嘅香箱蟹，味蕾震撼馬上開始
🦀▪️香箱蟹肉，蟹籽，柚子啫喱
用蟹蓋承載住，香箱蟹肉肉質帶點點煙韌極度鮮味，中間部份係金箔柚子啫喱，食完蟹肉可以清清口腔，再進食味道濃厚而且口感豐富嘅香箱蟹蟹籽，濃烈嘅味道震撼味覺，好好食
🦐▪️雲丹明太子白海老
白蝦細細隻，我估計呢度嘅份量大約有幾十隻，口感彈牙又帶點黏口，好鮮味，白蝦本身味道比較淡再配合明太子醬，海膽，尋魚子醬，口感和味道更加豐富
🍲▪️蟹出汁
蟹湯用上利尻昆布，蟹殼熬煮，鮮甜鮮味非常，飲到底仲可以食到大量松葉蟹肉，太美味了
🐟▪️季節刺身
由淡味道濃味開始，帶子魚子，右口魚，深海池魚，牡丹蝦，灸燒右口魚皮，刺身非常高質新鮮，特別係最後食嘅右口魚皮，魚油豐富，魚肉焦香，入口充滿魚嘅油脂
🦀▪️釀上海蟹蓋
炸蟹蓋用上大閘蟹肉，松葉蟹肉，洋蔥，香菇，甘筍切成粒粒加上麵包糠再炸香，外層香脆，內裏餡料豐富，每一啖都係蟹肉
🍧▪️季節雪葩
食到中段清清味蕾，店舖自家製嘅柚子雪葩味道清香，好香滑配合青柚子皮令柚子味更加香濃
🦀▪️燒鱈埸蟹伴雲丹鱘魚子
用上日本日本禾稈草煙燻既雪場蟹腳，用一個特色器皿煙燻住出場，一打開蓋視覺先欣賞，聞到淡淡的煙燻香味，蟹腳口肉鮮味配合鹽水海膽濃厚味道，鱘魚籽鹹香，口感好豐富，食用紫蘇花又靚又好食
🍜▪️特濃蟹粉拌稻庭烏冬
全晚最精彩嘅部份，大閘蟹雌雄蟹膏油脂豐富非常甘香，配合松葉蟹芡汁和稻庭烏冬一齊撈埋食，可以想像到有幾咁好食，每條烏冬被蟹粉蟹肉包圍着，蟹味香濃到不得了，店家亦好窩心準備咗三種唔同嘅蟹醋給客人選擇，我就揀咗五年蟹醋，酸甜到剛好，好喜歡
🍯▪️無花果椰子雪糕拿破崙
拿破崙做得非常鬆脆，配上自家製嘅椰子雪糕，
仍然食到一絲絲椰絲，椰子味香濃唔太甜，無花果果醬清甜，再加上新鮮無花果和金箔，非常好食既甜品
✨非常完美嘅Omakase，一定會再度回訪，
要試埋其他唔同食材，下次最想食嘅係和牛，
呢度除咗食物質素高，店員嘅服務態度亦非常專業、為你細心介紹每道菜，值得一讚
Post
