豐盛閣

Open Now

Now Closed

雖然預咗今餐係食景，但無諗過食物質素真係遠遠不合格😞好快黎咗個兩人下午茶餐，點講好呢⋯最大問題係，所有食物都係凍嘅，包括scones！兩個鬆餅似係隔夜、放入雪櫃，就咁拎出黎俾客人😢鹹點都係凍而無味、麵包/多士係淋嘅。而甜品，就只有好甜嘅甜味，唔係好知自己食緊乜。唯一好味嘅係士多啤梨啫喱杯，酸酸地，唔會太甜。再試下其他食物，香腸大大碟，味道ok，配埋酸菜，合格之上。但薯蓉係敗筆，又凍、又稀、又無味。🍔 🍟賣相不錯，正常快餐店水準，薯條新鮮炸起。幫呢一餐加返唔少分。餐飲方面，唔推介凍檸茶，唔知點解，有一陣好奇怪嘅味道，總之係唔好飲。要讚嘅係侍應們服務周到，有耐性又有禮貌，仲會主動幫客人影相，令人有賓至如歸嘅感覺。如果有興趣黎食景嘅朋友，建議散叫熱餐，咁成件事會開心好啲。