阿甘蝦餐廳

Open Now

Now Closed

去山頂，食大餐，睇靚景～我會選擇阿甘蝦餐廳🦐很美式既美式餐廳！可能疫情關係，平日去真係無乜人，變咗坐得好舒服😌🥗凱薩沙律：沙律醬份量岩岩好，沙律菜又夠新鮮，芝士又足，一個人食一碟都好飽！🥖蒜茸包：睇個樣，以為個包係硬，原來係外脆內軟，蒜蓉味岩岩好，老少咸宜嘅嘢食。🧅炸洋蔥圈：圈圈都好大，熱焫焫，脆卜卜，點埋茄汁或沙律醬，味道再提升🆙🥬橄欖油煮菠菜：哩個係menu無既，係特製俾妹豬～都利害啦，係美式餐廳，可以食到好似大排檔既形式，叫乜煮到乜。不過個菜既味道，就有少少過油同咸，不過心意搭夠。🦀軟殼蟹漁夫海鮮桶：哇！有軟殼蟹2隻、魚、蝦、薯條，一上枱就聞到好香，樣樣都炸到好脆，又唔會外面層粉好多，樣樣都食唔停口！🍝香蒜檸檬大蝦意粉：隻隻蝦都好大隻，又好爽口。意粉軟硬程度適中。咸味就局部地區發現。🥤士多啤梨沙冰：哩杯野飲，係Mr Wong想要好耐，係想要隻杯好耐，係咁閃燈～飲完係可以拎走隻杯添，不過士多啤梨沙冰味道就偏酸😖下次可以揀過第二隻味。