Video
Read full review
2023-07-25
32 views
食海鮮係香港人平時放假嘅活動之一，又想玩又想食海鮮，西貢係唔錯嘅選擇～日頭去玩完水上活動放完電之後，再食返個海鮮大餐，真係超正！呢間海鮮餐廳喺布袋澳入面，即係清水灣再入啲，平時去到將軍澳嗰邊搭16號小巴就可以直入到去，交通都尚算方便！餐廳自己就係一間海鮮檔，有好多唔同款式嘅海鮮，大大隻又新鮮！入到去揀咗海鮮先，再選擇煮法，新鮮即劏～餐廳仲要係海邊，早少少去仲可以睇埋個黃昏日落，勁靚影！------------------------------🐟◖清蒸海上鮮◗ $350揀咗一條老虎斑仔，肉質爽脆，面頭舖上青蔥，再淋上熱油，個股油香同葱香出晒嚟，清蒸嘅煮法更加帶得出魚嘅油香～🦐◖白灼生海蝦◗ $128海蝦大大隻，肉質緊實，好彈牙，蝦頭都有膏，夠晒鮮甜！🐚◖蒜蓉粉絲蒸扇貝◗ $76$38就有一隻大大隻嘅扇貝，味道夠鮮肉質彈牙，已經去晒內臟～面頭加咗好多蒜蓉同埋粉絲，啲粉絲又索晒扇貝嘅鮮甜味，口感滑溜又香！🐚◖豉椒炒蟶子◗ $90蟶子起晒肉，用豉椒去炒，好香口夠鑊氣，大大隻口感好爽脆！🐚◖豉椒炒蜆◗ $98佢嘅蜆肉都幾多而且都好肥美，炒得夠鑊氣，豉椒唔會太死鹹，落咗洋蔥同三色椒去炒
餐廳自己就係一間海鮮檔，有好多唔同款式嘅海鮮，大大隻又新鮮！入到去揀咗海鮮先，再選擇煮法，新鮮即劏～餐廳仲要係海邊，早少少去仲可以睇埋個黃昏日落，勁靚影！
------------------------------
🐟◖清蒸海上鮮◗ $350
揀咗一條老虎斑仔，肉質爽脆，面頭舖上青蔥，再淋上熱油，個股油香同葱香出晒嚟，清蒸嘅煮法更加帶得出魚嘅油香～
🦐◖白灼生海蝦◗ $128
海蝦大大隻，肉質緊實，好彈牙，蝦頭都有膏，夠晒鮮甜！
🐚◖蒜蓉粉絲蒸扇貝◗ $76
$38就有一隻大大隻嘅扇貝，味道夠鮮肉質彈牙，已經去晒內臟～面頭加咗好多蒜蓉同埋粉絲，啲粉絲又索晒扇貝嘅鮮甜味，口感滑溜又香！
🐚◖豉椒炒蟶子◗ $90
蟶子起晒肉，用豉椒去炒，好香口夠鑊氣，大大隻口感好爽脆！
🐚◖豉椒炒蜆◗ $98
佢嘅蜆肉都幾多而且都好肥美，炒得夠鑊氣，豉椒唔會太死鹹，落咗洋蔥同三色椒去炒，食落好香口啖啖肉！
🥩◖椒鹽骨◗ $85
與其話係椒鹽骨，覺得佢似椒鹽豬扒多啲，肉嘅位置好多～豬扒片拎去炸過嚟，均勻拍上炸蒜同辣椒，帶有少少辣味，幾惹味！
🍜◖干燒伊麵◗ $78
呢個伊麵炒得比較乾身，加入咗啲雜菌去炒，面嘅質感偏軟滑，但略嫌調味方面唔太夠，食落去有啲清淡～
🍊◖桔仔水◗ $14
同金桔檸檬味道差唔多，唔會太甜，幾清新～
🥤◖Zero◗ $14
🌟 Encore指數：8.9/10
Post
