天澗居酒屋

Open Now

Now Closed

係元朗發現呢間新開居酒屋，睇個舖頭都可以食下裝修喎！好，坐低睇下有咩好食先。咁啱可以坐bar枱，見到蟹仔爬爬下。燒味淋雞泡魚干，乾身得黎，上面個味淋半黏，食落香口又唔dry燒雪魚片，乾卜卜有魚味，佐酒一流。海膽墨魚刺身，海膽夠甜，個墨魚切得好整齊，食落爽得黎帶點糊。叫左幾件壽司，擺盤好靚，魚生片好新鮮，飯粒都捏得好好。芝士玉子燒，熟食都做得唔錯，呢個玉子燒上面鋪滿邪惡芝士，連玉子中間都有，十分邪惡。田樂茄子，海膽汁燒廣島蠔，田樂炸豆腐，呢三個都好香口，個醬汁和味道都岀色。炸黑豚糖心蛋，呢個又係超邪惡，比炸到金黃色嘅黑豚圍住糖心蛋，食落口果種油脂感係幸福啊！