AMONA

Open Now

Now Closed

最近愛上咗呢間AMONA蛋糕，就算自己一個人食晒半個，都唔會覺得好膩！ 柔軟嘅蛋糕，夾住嫩滑嘅cream🤤呢款蛋糕啫喱表層就好似鏡面咁，光澤感十足，仲有新鮮荔枝果肉切片同薄荷叶點綴，賣相超靚。一入口，啫喱爽滑Q彈，清涼又爽口。咬到荔枝果肉，滿口清甜多汁，果香四溢。重點講下玄米茶忌廉，忌廉本身就細膩柔滑，入口即化，而玄米茶香氣唔算濃郁嗰種，但勝在夠清新，有淡淡嘅焦香同米香，食落唔會膩，同啫喱、荔枝嘅清新感搭配得好襯。仲有軟糯Q彈嘅麻糬，增加咗唔少嚼勁同趣味性。總嘅嚟講，呢個蛋糕味道好平衡，無邊個味道特別搶戲，每一口都有層次又好清新，真係值得試試！