皇朝明珠

Open Now

Now Closed

大埔一日遊，先去飲茶，三門仔有間皇朝明珠，對住過海環境一流，戶外有好大地方，仲係熱熱地，都係坐室內有冷氣，裝修都高級。係海鮮飯店，但中午點心都非常出色，最靚嗰幾款一定要點：上湯金魚餃配水晶球唔止有個金魚餃，顏色配搭形象都非常似，見到就已經開心，仲配多個水晶餃，下面啲雞湯又好濃味，超好味。手袋和牛酥最鍾意呢個，真係好似，仲要係似名牌手袋，酥皮黑，裏面啲和牛好滋味。啤梨鹹水角 迷你啤梨，真係最好食嘅啤梨，因為其實係鹹水角！黑松露素皇餃黑松露味極香。白玉翡翠餃翡翠顏色很漂亮，白菜饀清甜。黑毛豬鮑魚燒賣成隻鮑魚仔，矜貴。魚翅羊肚菌灌湯餃有鮑魚有羊肚菌，仲有魚翅，湯很香濃，超正。鮑參翅肚羹矜貴湯羹，點會有投訴。招牌脆皮乳豬幾十年嘅招牌，必吃，超香脆肉嫩。仲食咗陳皮山竹牛肉球、金箔千層紅棗糕。