Video
Read full review
2024-07-25
527 views
朋友想食靚韓燒~~搵左呢間係airside既高級韓燒冬柏。入面座位闊落，多數都係卡位，隔離落地大玻璃，可以慢慢同朋友傾計~~一坐低已經上韓式前菜，好豐富！名物雪花五花肉五花肉真係見到肥瘦分明，店員叔叔亦都好主動問需唔需要幫手燒。五花肉要另外落一塊陶板燒。叔叔好有心機，雖然好忙，但隔一陣就返嚟睇下燒成點，要燒到到perfect為止 ！有佢咁專業燒，所以真係好好食！外面燒到有少少焦脆，入面呢就好嫩滑！醬燒豬腸平時好少見所以就試下。佢係用豬腸洗乾淨之後入面放咗一節大蔥，本身豬腸有醬油醃過，所以已經有味，燒完之後外面好脆，入面就有大蔥嘅爽脆。月見牛肩肉睇塊牛扒都見到啲肉紋脂肪分佈係幾咁靚。只需要輕輕兩邊燒一燒就已經好好食，跟一隻生雞蛋，點來食牛香味加蛋香味一齊，真係好夾！厚切牛舌牛舌本身佢都戒咗花紋,所以都容易燒嘅。不過要小心唔好overcooked，本身都夠牛味，咬落去有嗰個係厚切牛舌獨有爽口嘅感覺。韓式炒粉絲粉絲煙韌，亦落足料去炒，味道亦都調教得剛好。焦糖布甸出乎意料地好食。好滑又有蛋香味，成個布甸都好實在，唔會食咗一陣風！梅子青檸梳打&柑橘梳打食韓燒點可以唔飲杯呢？叫左兩杯梳打都係清新嘅
一坐低已經上韓式前菜，好豐富！
名物雪花五花肉
五花肉真係見到肥瘦分明，店員叔叔亦都好主動問需唔需要幫手燒。五花肉要另外落一塊陶板燒。叔叔好有心機，雖然好忙，但隔一陣就返嚟睇下燒成點，要燒到到perfect為止 ！有佢咁專業燒，所以真係好好食！外面燒到有少少焦脆，入面呢就好嫩滑！
醬燒豬腸
平時好少見所以就試下。佢係用豬腸洗乾淨之後入面放咗一節大蔥，本身豬腸有醬油醃過，所以已經有味，燒完之後外面好脆，入面就有大蔥嘅爽脆。
月見牛肩肉
睇塊牛扒都見到啲肉紋脂肪分佈係幾咁靚。只需要輕輕兩邊燒一燒就已經好好食，跟一隻生雞蛋，點來食牛香味加蛋香味一齊，真係好夾！
厚切牛舌
牛舌本身佢都戒咗花紋,所以都容易燒嘅。不過要小心唔好overcooked，本身都夠牛味，咬落去有嗰個係厚切牛舌獨有爽口嘅感覺。
韓式炒粉絲
粉絲煙韌，亦落足料去炒，味道亦都調教得剛好。
焦糖布甸
出乎意料地好食。好滑又有蛋香味，成個布甸都好實在，唔會食咗一陣風！
梅子青檸梳打&柑橘梳打
食韓燒點可以唔飲杯呢？叫左兩杯梳打都係清新嘅選擇,配韓燒剛剛好。
呢餐好享受~~環境好，食物好，店員們服務都好好！
Post
