增煇大排檔 & 增煇藝廚

Open Now

Now Closed

呢間服務奇差，兩個月前同班朋友去食，二樓個紋身短髮女侍應推介蟶子，我朋友唔食得海鮮，我地就話唔洗喇，點左幾個小菜食住先，食完再點第二輪，個女侍應就開始黎料比說話你聽，「你唔一係一次落晒單，分開落單，啲嘢要等好耐架」，我地話無所謂啦，我地唔趕時間，跟住想點個炒飯，又話「呢個鐘數我地廚房要煮其他嘢，唔接炒粉麵飯單」果陣都只係九點上下，我食左幾十年大排檔，都係第一次有餐廳唔比落炒飯，無得食就算啦，更加神奇既地方係，然後又見住隔離其他枱又會出到炒飯炒麵，呢度食炒飯都要講資格架，咁頂級既服務體驗，你話邊度會搵到呀！呢間鋪真係唔憂無客，做好期望管理，預左受氣先好去食呀，我同我朋友就以後都唔會再幫襯😅