餃掂手工餃子雲吞專門店

-芝麻醬拌麵，味道酸酸辣辣，配埋芝麻醬，最重要份量超級多，食一個麵都已經可以當一餐。-雲耳涼拌，都係開胃嘅餐前小食，酸酸甜甜易入口之餘仲係健康食品-九鼎湯配松茸餃，呢個湯完全冇味精，亦都係飲得出非常之足料，好濃郁，用呢個價錢嚟講真係值回票價，另外松茸餃非常之特別，香濃嘅菇菌香味係餃子湧出嚟，食完個口仲有餘香。-芫茜豬肉餃，係芫荽迷嘅至愛，一啖咬落去，吸收晒豬肉嘅精華加芫荽嘅香氣，芫茜迷真係可以自己食一打。-粟米豬肉餃，煎餃嚟講真係世一，出邊外皮煎到脆卜卜，一口咬落去食到粟米嘅清甜，相映成趣。嗌多兩杯豆漿飲呢度都係二百零蚊，但係飽到上心口，真係大件夾抵食。