Video
Read full review
2018-06-07
181 views
朋友剛從韓國旅行回來，帶咗d手信比我。見佢咁有我心，我都搵返間好野同佢去食吓。去韓國緊係成日食燒肉，所以返嚟要同佢清吓腸胃，食返餐齋。呢間齋鋪裝修好西式，與傳統完全唔同，應該叫佢餐廳合適d。細看門面嘅單張、海報，發現個主廚好後生，仲有教人煮素食嘅網上頻道，都是fusion或較為西方風味的煮法。我地點咗兩個餐…前菜：雙薯藜麥蘋果雪泥+泰式鮮果沙律+香干拌馬蘭頭 - 第一次食雙薯❨薯仔+蕃薯❩﹐帶有少少甜味，混入藜麥、蘋果粒、青瓜粒，令佢有唔同口感，面頭加上苜蓿點綴，做得好細緻!鮮果沙律有提子、菠蘿、蕃茄、火龍果、少少沙律葉，估唔到細細份都落咁多款蔬果，加上泰式沙律醬汁，醒胃!香干拌馬蘭頭切得好細碎，巧功夫。朋友說可能加豆干，所以比較咸，但我覺得都ok。頭盤：蘆筍素香鬆苜蓿芽手卷、香芒牛油果苜蓿芽手卷，初初以為裡面會有飯，原來唔係，佢用苜蓿填咗手捲嘅空間，真係食得健康。湯品：❨最讚!❩菠菜桃膠忌廉濃湯 - 好滑的口感! 食到一粒粒的桃膠之外，其他材料都打得細滑。桃膠養顏，菠菜補鐵質，非常好的配搭。羊肚菌竹笙黄耳百合燉湯 - 豐料嘅燉湯，相信係百合令到佢有清甜嘅味道。羊肚菌可健脾益胃，竹笙黄
呢間齋鋪裝修好西式，與傳統完全唔同，應該叫佢餐廳合適d。細看門面嘅單張、海報，發現個主廚好後生，仲有教人煮素食嘅網上頻道，都是fusion或較為西方風味的煮法。
我地點咗兩個餐…
前菜：
雙薯藜麥蘋果雪泥+泰式鮮果沙律+香干拌馬蘭頭 - 第一次食雙薯❨薯仔+蕃薯❩﹐帶有少少甜味，混入藜麥、蘋果粒、青瓜粒，令佢有唔同口感，面頭加上苜蓿點綴，做得好細緻!
鮮果沙律有提子、菠蘿、蕃茄、火龍果、少少沙律葉，估唔到細細份都落咁多款蔬果，加上泰式沙律醬汁，醒胃!
香干拌馬蘭頭切得好細碎，巧功夫。朋友說可能加豆干，所以比較咸，但我覺得都ok。
頭盤：
蘆筍素香鬆苜蓿芽手卷、香芒牛油果苜蓿芽手卷，初初以為裡面會有飯，原來唔係，佢用苜蓿填咗手捲嘅空間，真係食得健康。
湯品：❨最讚!❩
菠菜桃膠忌廉濃湯 - 好滑的口感! 食到一粒粒的桃膠之外，其他材料都打得細滑。桃膠養顏，菠菜補鐵質，非常好的配搭。
羊肚菌竹笙黄耳百合燉湯 - 豐料嘅燉湯，相信係百合令到佢有清甜嘅味道。羊肚菌可健脾益胃，竹笙黄耳有清潤嘅功效，百合杞子有養顏作用，實在多功能集於一湯，正呀!
主食：
日本南瓜鮮豆包大啡菇焗千層麵 - 豆包係好普通、普遍嘅齋食材，但第一次食有豆包的千層麵，豆包口感軟滑。廚師好聰明，因為豆包夾埋係千層麵，仲可以吸收埋醬汁嘅味道。
風乾蕃茄野菜松子意大利飯配天婦羅美國蘆筍 - 意大利飯一向都係我嘅飛佛，我係度諗…餐廳用兩條大大條嘅蘆筍天婦羅放係飯面，個idea會唔會就係代替大大隻嘅炸蝦呢?個飯嘅材料都好新鮮，我地食埋呢個飯都已經好飽，好彩每個女人都有第二個胃…
甜品：
檸香乳酪蛋糕 - 媲美酒店式水準，小小兩個正方體，各用了一粒藍莓點綴，視覺、味蕾都受惠。
百爵紅茶千層班戟 - 班戟皮好薄呀!!! Cream 掃得好薄呀!!! 百爵茶味道令到個cream完全唔覺得膩!呢個甜品好食!
本來打算叫飲品，但食完主食已經好飽，所以留返下次。
欣賞佢地諗到咁多款式唔boring嘅素食法，而且材料新鮮，食完呢間素食餐廳，令我唔想再去普通的齋鋪。
羊肚菌竹笙黄耳百合燉湯
23 views
0 likes
0 comments
菠菜桃膠忌廉濃湯
33 views
0 likes
0 comments
檸香乳酪蛋糕
16 views
0 likes
0 comments
Post
