Video
Read full review
2021-05-16
826 views
❀ 帝逸酒店 源峰 #沙田 ❀❗️非只壽司刺身omakase 松露主題多種菜式❗️——————————————————對omakase嘅印象都係係比較多壽司，但今次位於五星級帝逸酒店內嘅日本餐廳源峰就一改傳統，推出松露omakase，八道菜當中只有一道係壽司，其餘都係各種唔同特色煮法嘅菜式，每道菜都加入左大量松露切片，更加吸引我😆餐廳有兩位富有經驗嘅日藉主廚坐鎮，環境裝修高級精緻，位於28樓，雖然冇維港景色，但都算係可以望到城門河。除咗廚師前面嘅座席之外，亦有多個包廂嘅座位，坐得舒適☺️服務態度就相對普通，未達經典五星級品牌或米芝蓮餐廳質素，但正常嘅湛水、上落菜時間還可以。.✷𝑀𝑒𝓃𝓊✷☞ 源峰松露廚師發板推介 $1880♥ 前菜——松露薯仔沙律 (3.9/5)簡單嘅薯仔沙律上加咗大量松露，襯托陸續而來嘅小菜🥗。.♥ 刺身——吞拿魚溫泉玉子伴松露春鰹魚火炙 (4.1/5)兩份刺身用唔同方法呈現。火炙鰹魚，表面加上大量香蔥、豆芽、醃製洋蔥，不過略嫌鰹魚味道有少少腥🙈。吞拿魚溫泉玉子就非常出色🤩有三大塊肥美拖羅，配上流心溫泉蛋，攪勻之後加上少許醬汁，非常rich。.♥ 燒物——帆立貝照燒松露伴牛
❗️非只壽司刺身omakase 松露主題多種菜式❗️
——————————————————
對omakase嘅印象都係係比較多壽司，但今次位於五星級帝逸酒店內嘅日本餐廳源峰就一改傳統，推出松露omakase，八道菜當中只有一道係壽司，其餘都係各種唔同特色煮法嘅菜式，每道菜都加入左大量松露切片，更加吸引我😆餐廳有兩位富有經驗嘅日藉主廚坐鎮，環境裝修高級精緻，位於28樓，雖然冇維港景色，但都算係可以望到城門河。除咗廚師前面嘅座席之外，亦有多個包廂嘅座位，坐得舒適☺️服務態度就相對普通，未達經典五星級品牌或米芝蓮餐廳質素，但正常嘅湛水、上落菜時間還可以。
.
✷𝑀𝑒𝓃𝓊✷
☞ 源峰松露廚師發板推介 $1880
♥ 前菜——松露薯仔沙律 (3.9/5)
簡單嘅薯仔沙律上加咗大量松露，襯托陸續而來嘅小菜🥗。
松露薯仔沙律
45 views
0 likes
0 comments
.
♥ 刺身——吞拿魚溫泉玉子伴松露春鰹魚火炙 (4.1/5)
兩份刺身用唔同方法呈現。
火炙鰹魚，表面加上大量香蔥、豆芽、醃製洋蔥，不過略嫌鰹魚味道有少少腥🙈。
吞拿魚溫泉玉子就非常出色🤩有三大塊肥美拖羅，配上流心溫泉蛋，攪勻之後加上少許醬汁，非常rich。
吞拿魚溫泉玉子伴松露春鰹魚火炙
26 views
0 likes
0 comments
.
♥ 燒物——帆立貝照燒松露伴牛油奶泡汁 (4.1/5)
燒帆立貝味道香口，啖啖肉，不過略嫌內裏熟咗啲。
但味道好好，個牛油奶泡汁厚滑到好似炒蛋，加上極香嘅牛油味，非常出色😋！
帆立貝照燒松露伴牛油奶泡汁
23 views
0 likes
0 comments
.
♥ 蒸物——蒸櫻鯛魚伴新洋蔥汁 (4/5)
多數都係見煎鯛魚，但呢度居然將鯛魚壓實﹐用荷葉包到一個波咁蒸，幾創新嘅做法😯。
配上新洋蔥汁，絕非西餐嘅洋蔥汁，而係非常香甜，淡淡地吊出鯛魚嘅香氣👌🏻。
蒸櫻鯛魚伴新洋蔥汁
42 views
0 likes
0 comments
.
♥ 揚物——和牛春山野菜天婦羅伴峰斗菜生味噌 (4.2/5)
好出色嘅炸和牛💖香脆嘅炸天婦羅皮，色澤粉嫩口感腍身，完全體現廚師控制火候嘅功架！
可以再加上海鹽、味噌、蘿蔔蓉，但我覺得就咁食個牛味都已經夠晒香！
另外配上炸日本野菜，雖然都係好香脆，但就有啲油膩，感覺似係配菜嘅角色多啲。
和牛春山野菜天婦羅伴峰斗菜生味噌
109 views
0 likes
0 comments
.
♥ 壽司——迷你春魚生丼 火炙和牛海膽伴松露 (4.2/5)
火炙和牛海膽伴松露真係非常出色😚就算唔係omakase都可以單點(不過平時就冇松露)，將大大塊嘅和牛鋪喺壽司飯上，和牛輕輕燒過之後入口即溶，加上少少甜甜地嘅燒汁，非常好食！
表面再加埋新鮮嘅海膽，鮮甜味完全唔會被牛味蓋過，正！
另外仲配一個魚生丼，雖然話係迷你，但係都有大量唔同魚生嘅角切，幾好食☺️。
迷你春魚生丼
11 views
0 likes
0 comments
火炙和牛海膽伴松露
29 views
0 likes
0 comments
.
♥ 湯物——鮮海苔味噌湯 (3.9/5)
即係唔係麵豉湯嘅愛好者，今次呢個加上咗蜆肉，味道更加清甜，都算唔錯👌🏻。
鮮海苔味噌湯
21 views
0 likes
0 comments
.
♥ 甜品 ——櫻桃奶凍 (4/5)
用櫻桃製成嘅奶凍，本身驚會好伏，點知完全冇藥水味👍🏻不過唔講未必食得出係櫻桃，可能會誤以為係士多啤梨多啲🤣。
奶凍亦非常細滑，表面嗰兩粒車厘子亦非常香甜，最驚訝係底下仲有層啫喱，幾好食！
櫻桃奶凍
14 views
0 likes
0 comments
——————————————————
✨整體味道: 4.1/5
✨環境裝修: 4.2/5
✨服務態度: 4/5
✨性價比: 3.3/5
✨再訪興趣: 3.5/5
.
💞整體來講
位於五星級帝逸酒店28樓，有兩位日藉大廚坐鎮，今次更嶄新推出松露廚師發板推介，有多種唔同嘅菜式，唔單單係壽司刺身，整體質素大致唔錯，環境亦舒適優美👌🏻不過以呢個價錢來講會期待有更多罕見優質嘅魚生，同埋貼心嘅服務。同埋亦遺憾地當日廚師前席都滿晒，未能享受到omakase箇中精髓。
Post
