Video
Read full review
2024-06-09
2342 views
端午節長週末，但係因為兩位少爺要考試，所以冇得去旅行。喺太古城附近唔想再去太古城中心同人迫同排隊，搵到呢間喺太古坊新開嘅非常有誠意小店。星期日晚除咗我哋仲有另外兩台人，唔使等位。門口街邊好多車位泊車非常方便。因為兩個仔發育時期食好多嘢，所以我哋四個人買咗六樣嘢食。水果烤雞，烤雞皮，西班牙甜椒醬意粉，烤雞pesto sauce 意粉，truffle cheese dog, sweet potato fries. 每一樣都非常好食，我個人最欣賞烤雞皮，刮走晒啲肥膏，熱辣辣烤得好脆，好似食薯片咁。兩個意粉嘅醬都係佢哋自家製，感覺到冇味精少鹽，食到蔬果嘅鮮味。Sweet potato fries 都非常好食,唔會好油。個熱狗麵包外脆內軟，腸仔加埋啲truffle sauce 全部都係好好食。絕對會返嚟再食。
因為兩個仔發育時期食好多嘢，所以我哋四個人買咗六樣嘢食。水果烤雞，烤雞皮，西班牙甜椒醬意粉，烤雞pesto sauce 意粉，truffle cheese dog, sweet potato fries. 每一樣都非常好食，我個人最欣賞烤雞皮，刮走晒啲肥膏，熱辣辣烤得好脆，好似食薯片咁。兩個意粉嘅醬都係佢哋自家製，感覺到冇味精少鹽，食到蔬果嘅鮮味。Sweet potato fries 都非常好食,唔會好油。個熱狗麵包外脆內軟，腸仔加埋啲truffle sauce 全部都係好好食。絕對會返嚟再食。
Post
