一幻拉麵

Open Now

Now Closed

一入到去，環境幾大，埋邊仲有玻璃窗望海景食拉麵，感官嚟講一流。但可惜，一坐低諗住斟杯水飲，啲杯好油，好肥膩，好似冇洗乾淨咁，扣分食個前菜先，正正常常普普通通咁我就嗌咗個適量豚骨蝦味湯拉麵，啖湯超級精神，超重蝦味，上面亦有啲脆卜卜嘅炸薑粒增加口感。但係塊叉燒簡直不知所謂！又柴又乾，同X蘭果隻差唔多級數⋯但係隻蛋係好出色嘅，好流心。但得半隻⋯蛋都要慳⋯個麵不過不失，煮嘅時間剛剛好，所以口感幾好，全靠個湯底令到個面好食晒，啲人話湯底係拉麵嘅靈魂講得一啲都冇錯。同場加映煎餃子。普通到不能再普通。整體來說，應該唔會再試下一次。