Seoul Noodles

Open Now

Now Closed

之前經過灣仔，見到很多人大排長龍去幫襯這間韓國刀削麵，太多人了，所以冇機會幫襯。今天經過尖沙咀剛剛看到這間店舖開業，即刻試吓先！我中午12:00到達，不過冇乜人，可能啲人未知道！睇餐牌有lunch set，嗌咗佢嘅招牌辣排骨面，配泡菜餃子！裏面嘅環境都幾開陽，裝修都唔錯！最緊要冷氣夠！有自助水機，而且有紙圍裙供應，唔怕食麵彈到自己！值得一讚！店員嘅服務都唔錯！好細心講解！等咗唔夠5分鐘，個lunch set就到咗！餐牌上寫明只有一隻餃子，諗住好細隻，但原來都幾大隻，呢隻餃子係蒸餃子，味道中規中矩！之後就到碗刀削麵，第一時間飲啖湯，可能期望太高，我覺得就一般般，唔會令你好驚喜！反而啲刀削麵就幾好，但係份量就唔係好多，講吓啲排骨，骨就比較多啲，啲肉唔係好多，佢有個醬汁俾你點肉食，有少少感覺食緊湯渣，不過價錢真係唔係好貴，喺尖沙咀嚟講，算係咁！只不過期望太高啫！不過希望佢改善吓啲湯嘅味道，將來有機會再試吓先！