갈비궁 Galbi Gung

Open Now

Now Closed

呢餐韓式燒肉$788/2人餐真係好豐富。九節坂個名聽落就已經好吸引，好多唔同種類嘅蔬菜撈埋一齊，口感豐富，好清新，好似撈起咁，新年好意頭。燒肉方面，份量十足！巨大牛小排，肉質嫩滑，油花分佈均勻。嚴選腹胸肉肥瘦適中，口感一流。和牛外群肉油脂豐富，非常滿足😌 薄切牛舌爽口，好有口感；仲有八爪魚同芝士白菌，八爪魚🐙原隻好大隻，芝士白菌香濃惹味！傳統年糕湯暖笠笠，年糕煙韌，湯底夠味，係一個好暖胃嘅選擇。「半半炸雞」可以一次過試到原味同甜辣兩種口味，原味炸雞外脆內嫩，甜辣炸雞辣度適中，甜辣適中，好惹味！飲品方面青瓜青檸梳打清新解渴，凍檸茶就係經典之選，茶味濃郁，夠晒正宗。