Video
Read full review
2021-04-28
937 views
工作再忙，都要得閒抽時間同屋企人好好相聚一下。今日，我就同屋企人嚟咗呢間酒店嘅大堂，享受一下西式下午茶嘅滋味，同時體會現場音樂伴奏嘅悠閑感覺。港島香格里拉酒店一向有水準👍🏻一入門口，走廊嘅地氈掛畫燈飾，所有裝潢都係匠心獨運，擺設非常有心思，觀賞度極高☺️🌸大廳位置有好多落地玻璃，採光度好足，再加上樓底高達兩層樓，空間感好足夠，坐喺度同朋友傾偈好舒適😌最令人驚喜嘅係，現場係有音樂伴奏，仲要係即場演奏嗰種🎻音樂嘅種類由流行曲、日本宮崎駿電影音樂配樂，到古典音樂都有，適合唔同客人嘅口味，非常細心👍🏻💜聽住音樂，坐喺大廳，真係有一種穿梭時空，忘記晒種種生活壓力嘅感覺🌱我哋一行四人，合共嗌左兩個下午茶套餐，其中一個套餐就係相入邊嘅份量。我哋幾位都有啲肚餓，但係呢個set其實非常飽肚，到最後同行嘅朋友都食唔晒，要打包拎走添😌值得一提嘅係，現場嘅茶壺應該係純銀製造，都非常傳熱，而且拎起手非常重，雖然觀感上幾古典雅致，但是用起上嚟就不太方便，多次「辣」親手😅😅😅💜甜點來講，綠色嘅開心果味千層餅係最好食，估唔到係啡色嘅咖啡撻係最甜，入口已經覺得好膩😮😆💜鬆餅味道正常，不過奶香唔夠重，入口就有少少偏乾，果醬
港島香格里拉酒店一向有水準👍🏻一入門口，走廊嘅地氈掛畫燈飾，所有裝潢都係匠心獨運，擺設非常有心思，觀賞度極高☺️🌸
大廳位置有好多落地玻璃，採光度好足，再加上樓底高達兩層樓，空間感好足夠，坐喺度同朋友傾偈好舒適😌
最令人驚喜嘅係，現場係有音樂伴奏，仲要係即場演奏嗰種🎻音樂嘅種類由流行曲、日本宮崎駿電影音樂配樂，到古典音樂都有，適合唔同客人嘅口味，非常細心👍🏻💜
聽住音樂，坐喺大廳，真係有一種穿梭時空，忘記晒種種生活壓力嘅感覺🌱
我哋一行四人，合共嗌左兩個下午茶套餐，其中一個套餐就係相入邊嘅份量。我哋幾位都有啲肚餓，但係呢個set其實非常飽肚，到最後同行嘅朋友都食唔晒，要打包拎走添😌
值得一提嘅係，現場嘅茶壺應該係純銀製造，都非常傳熱，而且拎起手非常重，雖然觀感上幾古典雅致，但是用起上嚟就不太方便，多次「辣」親手😅😅😅
💜甜點來講，綠色嘅開心果味千層餅係最好食，估唔到係啡色嘅咖啡撻係最甜，入口已經覺得好膩😮😆
💜鬆餅味道正常，不過奶香唔夠重，入口就有少少偏乾，果醬味道正常
💜底層嘅鹹點比想像中好，特別係鵝肝餅，香味十足👍🏻
我哋3點入座，餐廳畀客人坐到6點，不過我哋最終5:30就埋單走人，大概平均$300一位。可以坐成3個鐘我覺得非常之值得，特別係佢再配埋現場音樂，好啱幾個人靜靜地傾吓計😚👍🏻之後都會再嚟encore啊🍰☕️
Post
