Video
Read full review
2022-08-13
85 views
朋友喺觀塘返工，閒談中發覺大家好耐冇見，約咗一齊食晚餐，而佢聽聞公司附近一間大排檔小菜幾好食，就約我平日夜晚嚟食。餐廳位於市政大廈內4樓熟食市場，入面有冷氣有電視睇，比預期中所想舒適。一嚟到就有老闆娘熱情款待，安排我哋兩人座位，未坐低就俾枱面本餐牌吸引住，設計靈感幾好，用以前中國故代書籍的裝幀作參考，亦有提供兩碟前菜，花生和四季豆。諗咗一陣都唔知叫咩小菜，老闆娘見我哋猶豫不決，最後走過嚟推薦幾款小菜，而我哋毫不猶豫照跟佢推薦的落單。涼拌苦瓜🥒 $48 ～ 涼拌青瓜平時食得多，但係涼拌苦瓜我從來未食過！冇諗過咁好食，如果鍾意食苦瓜嘅人，一定會覺得好正！苦瓜夠苦，加埋酸酸地嘅汁，係一道絕味的開胃菜！梅菜蒸菜心🥬 $78 ～ 相信人人都聽過梅菜蒸肉餅，梅菜蒸菜心就真係第一次聽。菜心清甜，咬落係爽口，加上有梅菜咸咸地配搭，撈飯食一流！橙花骨 $88🍊 ～ 賣相好靚，未食已經流哂口水，用上香橙酸酸甜甜的味道，相比起其他醬燒的烹調煮法，食落冇咁膩，好啱夏天呢個時候食！醬燒黃花魚🐠 $138 ～ 黃花魚伴上特製醬汁（泰式辣醬），口感係外脆內軟，炸得剛剛好，冇令到黃花魚的肉質粗糙，依然係咁嫩滑，雖然我
餐廳位於市政大廈內4樓熟食市場，入面有冷氣有電視睇，比預期中所想舒適。
一嚟到就有老闆娘熱情款待，安排我哋兩人座位，未坐低就俾枱面本餐牌吸引住，設計靈感幾好，用以前中國故代書籍的裝幀作參考，亦有提供兩碟前菜，花生和四季豆。
諗咗一陣都唔知叫咩小菜，老闆娘見我哋猶豫不決，最後走過嚟推薦幾款小菜，而我哋毫不猶豫照跟佢推薦的落單。
涼拌苦瓜🥒 $48 ～ 涼拌青瓜平時食得多，但係涼拌苦瓜我從來未食過！冇諗過咁好食，如果鍾意食苦瓜嘅人，一定會覺得好正！苦瓜夠苦，加埋酸酸地嘅汁，係一道絕味的開胃菜！
梅菜蒸菜心🥬 $78 ～ 相信人人都聽過梅菜蒸肉餅，梅菜蒸菜心就真係第一次聽。菜心清甜，咬落係爽口，加上有梅菜咸咸地配搭，撈飯食一流！
橙花骨 $88🍊 ～ 賣相好靚，未食已經流哂口水，用上香橙酸酸甜甜的味道，相比起其他醬燒的烹調煮法，食落冇咁膩，好啱夏天呢個時候食！
醬燒黃花魚🐠 $138 ～ 黃花魚伴上特製醬汁（泰式辣醬），口感係外脆內軟，炸得剛剛好，冇令到黃花魚的肉質粗糙，依然係咁嫩滑，雖然我哋兩個人已經好飽，但都清哂條魚，好食！
整體食物質素高，見到老闆的用心都花喺食物之上，著重食物質素同新鮮，又會問下客人食完有咩意見，充滿濃厚的人情味。
Post
